35:491  491  SERMON  CLVIII  492  nom  de  Dieu  en  soit  blaspheme:  et  que  Dieu  descoure  sa  honte  non  seulement  pour  se  desplaire  et  se  hayr  en  soy,  mais  aussi  devant,les  hommes:  l'humilite  doit  estre  coniointe  avec,  comme  un  tesmoignage  et  un  seau  pour  ratifier  la  penitence.  Et  cela  non  seulement  doit  estre  en  chacun  particulier,  mais  en  tout  un  peuple:  comme  nous  voyons  que  l'Eglise  Ta  tousiours  pratique.  Au  reste  notons  bien  que  ce  ne  sera  point  assez  que  nous  ayons  les  signes  exterieurs:  mais  il  faut  sur  tout  que  le  coeur  soit  navre,  qu'ayans  horreur  d'avoir  provoque  Tire  de  nostre  Dieu  contre  nous,  nous  concevions  une  angoisse  pour  nous  condamner,  et  que  nous  soyons  du  tout  confus  en  nous-mesmes.  Et  c'est  la  tristesse  dont  parle  sainct  Paul  (2.  Cor.  7,  10),  laquelle  il  dit  qu'il  ne  faut  point  fuir,  d'autant  qu'elle  est  a  salut.  Et  voila  pourquoy  il  est  dit  au  Prophete  Ioel  (Ioel  2,  13),  Rompez  vos  coeurs,  et  non  point  vos  robbes.  Il  est  vray  que  le  Prophete  commande  bien  a  ceux  qui  ont  grievement  offense,  et  qui  voudront  estre  exaucez  de  Dieu,  de  retourner  avec  sac,  avec  cendre  et  poudre:  et  qu'ils  se  confessent  malfaicteurs,  et  demandent  pardon,  qu'ils  declarent  avec  protestation  solennelle,  qu'ils  sont  dignes  de  mort,  sinon  qu'il  use  de  pitie  envers  eux.  Mais  cependant  pource  que  les  hommes  sont  tant  enclins  a  hypocrisie,  et  qu'ils  veulent  tousiours  contenter  Dieu  de  belles  mines,  et  qu'ils  oublient  ce  qui  doit  estre  le  premier  et  le  principal:  le  Prophete  notamment  dit,  qu'il  faut  que  les  coeurs  soyent  fondus,  que  ceste  durete-la  soit  abbatue.  Ainsi  nous  voyons  en  somme  ce  que  Iob  a  voulu  dire:  c'est  qu'en  ayant  repentence  d'avoir  parle  a  la  volee,  il  adiouste,  que  son  peche  n'est  point  leger  ne  petit:  mais  si  enorme,  qu'il  est  prest  de  se  constituer  un  povre  malfaicteur,  qui  a  commis  crime  mortel,  et  qui  a  toute  son  attente  et  refuge  a  la  pure  misericorde  de  Dieu:  et  mesmes  que  devant  les  hommes  il  fera  volontiers  une  telle  protestation,  afin  que  ceux  qui  ont  este  offensez  en  luy,  soyent  derechef  edifiez,  et  que  tous  cognoissent  qu'il  ne  demande  sinon  de  s'humilier  sous  la  main  de  Dieu.  Or  puis  qu'ainsi  est,  apprenons  de  nostre  coste  quand  nous  aurons  commis  quelque  faute,  de  ne  la  point  amoindrir,  et  de  ne  la  cacher  point:  mais  de  la  cognoistre,  voire  pour  en  estre  dutout  abbatus.  Et  au  reste  quand  nous  aurons  commence  de  reprouver  nos  fautes  en  nostre  coeur,  et  les  detester  pour  nous  y  desplaire  afin  que  Dieu  n'entre  point  en  conte  avec  nous:  que  devant  les  hommes  aussi  nous  ayons  ceste  modestie  la  d'user  des  protestations  que  Dieu  approuve  :  c'est  qu'en  tout  et  par  tout  nous  confessions  que  nous  avons  merite  la  mort,  sinon  que  Dieu  nous  recoive  a  merci:  et  que  la  honte  ne  nous  empesche  point  de  reparer  les