32:491  491  PREMIER  SERMON  492  tions  en  nostre  chair  et  en  nostre  nature,  que  c'est  pitie.  Autant  que  nous  avons  d'affections  et  de  pensees,  ce  sont  autant  d'ennemis  qui  resistent  a  Dieu,  et  qui  nous  empeschent  de  nous  renger  a  sa  volonte.  Il  faut  donc  que  nous  prions  a  Dieu  qu'il  nous  tiene  en  bride  courte,  qu'il  soit  le  maistre,  et  que  nous  luy  soyons  subiets.  Au  reste,  advisons  bien  a  ce  qui  est  yci  dit,  c'est  ascavoir,  qu'en  regardant  aux  commandemens  de  Dieu,  iamais  nous  ne  serons  confus.  Or  par  cela  il  nous  est  signifie,  que  tous  ceux  qui  suyvent  leur  propre  fantasie,  qui  regardant  ca  et  la,  et  se  proposent  un  but,  et  se  forgent  un  chemin  tel  que  bon  leur  semble,  que  ceux-la  seront  confus  et  trompez.  Il  est  vray  que  les  hommes,  quand  ils  feront  ce  que  bon  leur  semblera,  cuideront  que  tout  ira  le  mieux  qu'il  est  possible  de  souhaiter,  se  glorifians  en  leurs  vaines  imaginations:  mais  quelle  en  est  l'issue?  Dieu  les  confond  en  leur  arrogance,  de  laquelle  ils  estoyent  enflez  pour  un  temps.  Voulons-nous  donc  eviter  ceste  confusion-la  des  incredules?  regardons  aux  commandemens  de  Dieu:  c'est  a  dire,  que  nous  ayons  la  nos  yeux  fichez,  destournans  nostre  regard  de  nostre  raison,  et  de  nos  sens  naturels,  et  de  tout  ce  que  nous  avons  en  main  qui  seroit  pour  nous  divertir.  Et  il  est  bien  necessaire  que  nous  soyons  informez  de  cela,  car  si  tost  que  les  hommes  se  donnent  licence  de  penser  ce  qui  est  de  faire,  il  leur  viendra  mille  imaginations  au  devant:  et  ainsi  les  voyla  destournez  de  Dieu,  les  voyla  comme  alienez  de  toute  la  doctrine  de  salut.  Pour  ceste  cause  David  monstre  qu'il  n'y  a  qu'un  seul  moyen,  c'est  ascavoir  que  nous  ayons  nostre  regard  pleinement  arreste  a  la  Loy  de  Dieu,  sans  nous  en  destourner  ca  ne  la,  comme  nous  avons  accoustume  de  faire.  Il  dit  puis  apres,  Ie  te  celebreray  en  droiture  de  coeur  j  quand  iauray  apprins  les  iugemens  de  ta  iustice,  ou,  Tes  iugemens  iustes.  En  ce  verset,  David  monstre  comment  c'est  que  nous  pouvons  louer  Dieu,  et  c'est  tousiours  suyvant  le  fii  de  son  propos.  Car  nous  confesserons  tous  que  nostre  vie  est  miserable,  si  elle  ne  tend  a  louer  Dieu.  Or  maintenant  regardons  comment  c'est  que  nous  le  pourrons  louer.  Il  faut  que  nous  ayons  este  exercez  en  ses  iugemens,  c'est  a  dire,  en  la  reigle  qu'il  nous  monstre.  Car  ce  mot  de  iugement,  emporte  que  nous  soyons  enseignez  de  ce  qu'avons  a  faire.  Comme  nostre  vie  est  desbordee  si  nous  passons  les  limites  qu'il  nous  a  faites  :  aussi,  au  contraire,  nous  gardons  vraye  equite  et  droiture  en  luy  obeissant.  Or  il  dit  donc,  que  quand  il  aura  apprins  le  iustes  iugemens  de  Dieu,  qu'alors  il  le  celebrera  en  droiture  de  coeur.  Yci  il  nous  est  signifie,  que  combien  que  les  hommes  se  persuadent  qu'ils  louent  Dieu  le  mieux  qu'il  est  possible,  toutesfois