8:490  vulos  detorques,  quod  de  adultis  disserui.  Aliter  enim  de  his,  quam  de  illis  loqui  soleo:  imo  non  ego,  aut  quispiam  [pag.  49]  hominum,  sed  ipse  Dei  spiritus.  Quod  ad  me  spectat,  testimonium  mihi  ubique  reddunt  mea  scripta,  parvulos  a  gratiae  communicatione  nequaquam  a  me  arceri.  Et  cur  ita  sentiam,  luculentam  rationem  reddo  in  mea  Institutione.  Tua  de  fide  et  spe  doctrina  vagatur  extra  oleas,  perinde  enim  loqueris  ac  si  fides  includeretur  praesenti  vita,  spes  futuri  tantum  status  respectum  haberet.  Longe  aliter  Paulus,  qui  nos  aspectu  *)  frui  negat  quamdiu  peregrinamur  in  hoc  mundo,  quia  per  fidem  ambulamus  (2.  Cor.  5,  6).  Itaque  tam  fides  quam  spes  relationem  habent  ad  futuram  gloriam  et  beatam  immortalitatem.  Quanquam  interea  non  nego  quin  per  fidem  potiamur  praesentibus  Dei  beneficiis:  qualis  est  regeneratio.  Non  nego  similiter  quin  eatenus  ingrediamur  in  Dei  regnum,  adeoque  iam  transierimus  a  morte  in  vitam,  quatenus  spiritu  Christi  renovati  sumus.2)  Quod  autem  me  solam  fere  spem  habere  dicis,  nimis  improba  est  calumnia.  Sed  quia  non  deliro  cum  Libertinis  de  fictitia  resurrectione,3)  ideo  tibi  non  satisfacio.  Opponis  autem  mihi  magnitudinem  gloriae  haereditatis  Christi  in  sanctis.  Quasi  vero  eius  possessionem  iam  creverint4)  sancti.  Paulus  enim  de  futura  gloria  loquitur:  quam  fide  quidem  apprehendunt  sancti  in  hoc  mundo,  sed  re  ipsa  non  adipiscuntur  usque  ad  diem  ultimae  revelationis.  Ubi,  quaeso,  docet  Ioannes,  tales  nos  esse  in  mundo,  qualis  est  Christus  in  coelis?  Quin  potius  ubi  dixit  nos  esse  certos  quod  filii  Dei  simus,  continuo  subiicit,  nondum  apparuisse:  tunc  vero  similes  ei  futuros,  quando  videbimus  eum  sicuti  est  (1.  Ioann.  3,  2).  Fateor  sane  [pag.  50]  nos  ita  contemplari  nunc  Deum  in  facie  Christi,5)  ut  transfiguremur  in  eius  imaginem.  Hic  enim  finis  est  vitae  christianae  ut  in  nobis  instauretur  Dei  imago.  Sed  quid  hoc  totum  vel  tibi  suffragatur,  vel  mihi  repugnat?  Iudaeos  causaris  perperam  a  me  identidem  obtrudi,  quia  vocentur  carnales  et  filii  carnis,  et  haeredes  carnalis  haereditatis.  Obstupeo  certe  ad  tuam  arrogantiam.  Quid  enim  continet  locus  ille  Pauli  quem  citaveram?  nonne  ornat  eos  titulo  filiorum  Dei?  nonne  eandem  nobiscum  haereditatem,  et  eundem  libertatis  spiritum  illis  assignat?  Tu  vero  ex  1)  la  veue  de  nostre  salut.  2)  Ie  ne  nie  pas  non  plus  que  nous  n'entrions  au  royaume  de  Dieu  selon  que  nous  sommes  renouvellez  :  mesmes  que  nous  ne  soyons  desia  passez  de  n  ort  a  vie,  selon  la  mesure  de  grace  qui  est  en  nous.  3)  Add.  en  ce  monde.  4)  estoyent  entrez  en  possession.  5)  Add.  des  la  vie  presente.