7:490  tionibus,  privilegiis,  et  exemptionibus  [pag.  259]  quibuscunque,  etiam  cum  iudicum  speciali1)  deputatione,  et  illorum  inhibitionibus,  in  praemissis  nemini  suffragantibus.  Uniones  perpetuae,  a  XL.  annis  citra  factae,  examinari  ab  ordinariis,  tanquam  a  sede  Apostolica  delegatis,  possint:  et  quae  per  subreptionem,  vel  obreptionem  obtentae  fuerint,  irritae  declarentur.  Lllae  vero  quae  a  dicto  tempore  citra  concessae,  nondum  in  toto  vel  in  parte  sortitae  sunt  effectum,  et  quae  deinceps  ad  cuiusvis  instantiam  fient:  nisi  eas  ex  legitimis,  aut  alias  rationabilibus  causis,  coram  loci  ordinario,  vocatis  quorum  interest,  verificandis,  factas  fuisse  constiterit:  per  subreptionem  obtentae  praesumantur:  ac  propterea,  nisi  aliter  a  sede  Apostolica  declar  ratum  fuerit,  viribus  omnino  careant.  Beneficia  Ecclesiastica  curata,  quae  cathedralibus,  collegiatis,  seu  aliis  Ecclesiis,  vel  Monasteriis,  beneficiis,  seu  Collegiis,  aut  piis  locis  quibuscunque  perpetuo  unita  ei  annexa  reperiuntur:  ab  ordinariis  locorum,  annis  singulis  [pag.  260]  visitentur,  qui  sollicite  providere  procurent,  ut  per  idoneos  Vicarios  perpetuos,  nisi  ipsis  ordinariis  pro  bono  Ecclesiarum  regimine,  aliter  expedire  videbitur,  ab  eis,  cum  tertiae  partis  fructuum,  aut  maiori  vel  minori,  arbitrio  ipsorum  ordinariorum,  portione,  etiam  super  certa  re  assignanda,  ibidem  deputandos,  animarum  cura  laudabiliter  exerceatur:  appellationibus,  privilegiis,  exemptionibus,  etiam  cum  iudicum  deputatione,  et  illorum  inhibitionibus  quibuscunque,  in  praemissis  minime  suffragantibus.  Locorum  Ordinarii  Ecclesias  quascunque,  quomodolibet  exemptas,  autoritate  Apostolica  singulis  annis  visitare  teneantur,  et  opportunis  iuris  remediis  providere,  ut  quae  reparatione  indigent  reparentur,  et  cura  animarum,  si  qua  illis  immineat,  aliisque  debitis  obsequiis  minime  defraudentur.  Appellationibus,  privilegiis,  consuetudinibus,  etiam  ab  immemorabili  tempore  praescriptis,  iudicum  deputationibus,  [pag.  261]  vel  illorum  inhibitionibus,  penitus  exclusis.  Ad  maiores  Ecclesias  promoti  munus  consecrationis  infra  tempus  a  iure  statutum  suscipiant,  et  prorogationes  ultra  sex  menses  concessae  nulli  suffragentur.  Non  liceat  capitulis  Ecclesiarum,  sede  vacante,  infra  annum,  a  die  vacationis  ordinandi  licentiam,  aut  literas  dimissorias,  seu  reverendas  (ut  aliqui  vocant)  tam  ex  iuris  communis  dispositione,  quam  etiam  cuiusvis  privilegii,  aut  consuetudinis  vigore,  alicui,  qui  beneficii  Ecclesiastici  recepti,  sive  recipiendi,  occasione  arctatus  non  fuerit,  concedere.  Si  secus  fiat,  capitulum  contraveniens,  Ecclesiastico  subiaceat  interdicto,  et  sic  ordinati,  si  in  minoribus  ordinibus  constituti,  2)  nullo  privilegio  clericali,  praesertim  in  crimi-  1)  specialium,  Amst.  et  Gott  2)  Amst.  et  Gott.  add.  fuerint.