55:490  resistendum.  Hinc  colligimus,  prudenter  dispiciendum  esse  bono  et  fido  pastori,  quid  praesens  ecclesiae  usus  postulet,  ut  huc  accommodet  suam  doctrinam.  Yerbum  rcapetceSuaav  quo  utitur,  obliquam  et  furtivam  insinuationem  notat,  qua  Satanae  ministri  incautos  decipiunt:  noctu  enim  et  dormientibus  agricolis  lolium  suum  spargit  Satan,  ut  purum  corrumpat  Domini  semen.  Ao  simul  docet  intestinum  esse  hoc  malum.  Nam  hic  quoque  Satanae  astus  est,  suscitare  ad  nocendum  eos  qui  ex  grege  sunt,  quo  facilius  obrepant.  Olim  praescripti.  Iudicium  vocat  vel  damnationem,  vel  reprobum  sensum  quo  feruntur  ut  pietatis  doctrinam  pervertant  :  neque  enim  id  quisquam  facere  potest,  nisi  suo  exitio.  Porro  haec  metaphora  inde  sumpta  est  quod  aeternum  Dei  consilium,  quo  ordinati  sunt  fideles  ad  salutem,  liber  vocatur.  Quum  autem  illos  morti  aeternae  addictos  audiunt  fideles,  cavere  sibi  debent,  ne  eodem  se  involvant  exitio.  Quamqaam  simul  occurrere  periculo  voluit  Iudas,  ne  quos  rei  novitas  turbaret  vel  percelleret.  Nam  si  illi  iam  olim  descripti  sunt,  sequitur  nonnisi  certo  Dei  consilio  exerceri  ecclesiam.  Dei  nostri  gratiam,  ete*  Iam  qualis  fuerit  pestis  illa,  clarius  exprimit.  Dicit  enim  gratia  Domini  abusos  esse,  ut  ad  impuram  et  profanam  peccandi  licentiam  se  et  alios  prostituerent.  Atqui  longe  in  alium  finem  apparuit  Dei  gratia:  ut  scilicet  abnegata  impietate  et  terrenis  desideriis,  sobrie  et  iuste  et  pie  vivamus  in  hoc  saeculo.  Sciamus  ergo  nihil  esse  pestilentius  hoc  hominum  genere,  qui  ex  Christi  gratia  lasciviendi  praetextum  captant.  Quia  gratuita  Dei  misericordia  nos  salutem  consequi  docemus,  huius  criminis  nos  insimulant  papistae.  Sed  quid  verbis  refellere  eorum  impudentiam  attinet,  quum  nos  poenitentiam,  timorem  Dei,  vitae  novitatem  ubique  urgeamus:  ipsi  autem  non  modo  pessimis  exemplis  totum  mundum  corrumpant,  sed  etiam  impia  sua  doctrina  veram  sanctitatem,  et  purum  Dei  cultum  tollant  e  mundo?  Quamquam  eos  de  quibus  loquitur  Iudas,  potius  existimo  libertinis  nostris  temporis  fuisse  similes,  ut  clarius  patebit  ex  contextu.  Deum,  qui  solus  est  herus.  Vetusti  quidam  codices  habent,  Christum,  qui  solus  est  Deus  ac  herus.  Et  certe  in  secunda  Petri  epistola,  solius  Christi  fit  mentio,  et  illic  herus  vocatur.  Christum  vero  abnegari  intelligit,  quum  ii,  qui  sanguine  illius  redempti  fuerant,  diabolo  se  rursus  mancipantes,  incomparabile  illud  pretium,  quantum  in  se  est,  irritum  faciunt.  Ergo  ut  nos  in  suo  peculio  Christus  retineat,  ideo  pro  nobis  mortuum  esse  et  resurrexisse  meminerimus,  ut  dominetur  vitae  nostrae  ac  morti.  5.  Commonefacere  autem  vos  volo,  quum  istud