35:490  de  penitence  sinon  que  les  hommes  se  condamnassent  du  tout,  et  s'aneantissent  en  leurs  vices.  Auiourd'huy  ceux  qui  voudront  estre  reputez  Chrestiens  useront  de  ce*  mot  de  Penitence,  le  prophanans  par  leur  bouche  salle  et  pollue:  et  voudront  qu'on  tiene  pour  repentance  une  pure  mocquerie  de  Dieu.  D'autant  plus  donc  nous  faut-il  noter  ce  qui  est  ici  contenu;  c'est  assavoir  que  pour  monstrer  que  vrayement  nous  sommes  convertis  a  Dieu,  il  nous  faut  regarder  nostre  turpitudo:  et  la  regarder  en  sorte  que  tout  ce  qui  est  en  nous  soit  condamne,  et  que  nous  apprenions  d'estre  nos  iuges,  afin  d'estre  absous  devant  celuy  qui  ne  demande  que  de  faire  pardon  a  ceux  qui  recourent  a  luy  en  toute  humilite.  O  r  notamment  Iob  adiouste,  Qu1  il  fera  penitence  en  cendre  et  en  poudre:  comme  s'il  disoit  qu'il  est  prest  et  appareille  de  se  rendre  a  Dieu  comme  un  povre  malfaicteur:  car  la  penitence  pourra  bien  estre  sans  qu'un  homme  iette  un  sac  sur  son  dos,  et  sans  qu'il  prenne  de  la  poudre  sur  sa  teste:  mais  les  anciens  ont  use  de  telles  ceremonies,  quand  ils  ont  voulu  faire  protestation  solennelle,  qu'ils  estoyent  du  tout  condamnez  devant  Dieu,  et  qu'il  n'y  avoit  nul  remede  sinon  que  Dieu  leur  fist  grace  comme  a  des  povres  malfaicteurs.  Notons  bien  donc  que  Iob  ne  parle  point  ici  d'une  penitence  commune:  mais  il  cognoist  que  son  offence  est  si  grieve  et  si  enorme,  qu'il  merite  bien  de  venir  comme  la  corde  au  col,  et  monstrer  par  signes  qu'il  n'y  a  que  malediction  en  luy,  iusques  a  ce  que  Dieu  le  recoive,  et  recueille  a  soy.  II  est  vray  que  cest  argument  se  pourroit  deduire  plus  au  long:  mais  il  nous  s  u  ssi  r  a  en  somme,  que  ce  qui  est  ici  dit  touchant  la  cendre  et  la  poudre  n'est  pas  le  principal  de  penitence,  mais  c'en  est  un  signe  exterieur.  D'avantage  que  ce  signe  n'est  pas  tousiours  requis,  mais  que  c'estoit  pour  faire  une  protestation  publique  d'un  crime  exorbitant.  Il  faut  que  tous  fideles  tout  le  temps  de  leur  vie  avisent  a  se  repentir  et  desplaire:  car  nous  ne  passons  iamais  un  iour  qu'il  n'y  ait  beaucoup  de  povretez  en  nous:  sans  que  nous  y  pensions,  nous  ferons  des  fautes  infinies:  voire  mesmes  cuidans  bien  faire:  que  si  nous  nous  examinons  iusques  au  bout,  nous  trouverons  qu'il  y  a  tousiours  a  redire  en  nous.  Ainsi  nous  avons  occasion  de  gemir:  et  toutes  fois  nous  ne  ferons  point  de  protestation  manifeste  devant  les  hommes.  La  penitence  donc  pourra  bien  estre  sans  avoir  les  signes  exterieurs  conioints:  mais  quand  les  fautes  sont  lourdes,  et  que  l'ire  de  Dieu  se  demonstre  envers  nous:  alors  nous  avons  non  seulement  a  gemir  et  a  nous  desplaire,  mais  nous  devons  aussi  (cognoissans  ce  qui  peut  edifier  nos  prochains)  adiouster  quelques  signes,  comme  si  un  homme  a  commis  un  scandale,  et  qu'il  voye  qua  le