20:490  4212*  BEZA  ZANCO.  Martyris  obitus  ecclesiae  Twicensi  damnosus.  Gribaldi  resipiscentia  suspecta.  Viretus  Genevam  cum  ipso  rediit  ex  Gallia.  (Ex  Tomo  VIII.  Opp.  Zanchi  p.  169.)  Theodorus  Beza  Hieronymo  Zanchio  S.  Argentinam.  Accepi  literas  tuas  singularis  benevolentiae  et  humanitatis  plenas,  vir  doctissime  et  frater  optime,  ut  plane  ferreum  et  inhumanum  esse  me  oporteat  nisi  te  non  solum  diligam  sed  etiam  amem  et  omni  studio  complectar.  De  D.  Martyris  obitu  *)  idem  sentis  atque  ego  et  boni  omnes:  nihil  isti  civitati  damnosius,  nihil  bonis  qui  istic  sunt  acerbius  accidere  potuisse.  Sed  et  privatim  vicem  tuam  doleo,  qui  tanti  viri  praesidio  tamque  fidi  amici  consuetudine  sis  privatus.  Neque  dubito  quin  tota  iam  molestiarum  moles  in  tui  unius  caput  incumbat.  Sed  vide  tamen,  mi  Zanchi,  ut  quod  facis  fortiter  et  constanter  facere  pergas.  Multi,  acres,  potentes  sunt  adversarii,  sed  quanto  fortior  est  Domini  veritas?  Omnia  possumus  in  eo  qui  nos  confirmat.  Itaque  macte  virtute  esto,  et  quem  semel  cursum  ingressus  es,  vide  ut  in  mediis  tempestatibus  praesidio  Christi  cui  servimus  teneas  et  serves.  De  iurisconsulto  illo2)  gratum  est  mihi  quod  spem  aliquam  faciat  resipiscentiae,  nisi  forte  nostro  illi  imposuit  apud  quem  te  vidisse  scripsisti  puram  confessionem  illius  manu  perscriptam.  Certe  illa,  cuius  exemplar  ad  D.  Martyrem  miseram,  hic  quoque  exstat  eiusdem  manu  scripta  et  consignata.  Utra  sit  vetustior,  dicere  non  ausim,  neque  etiam  de  illa  statuere,  quam  scilicet  nunquam  legerim.  Quod  ad  me  attinet,  ego  non  iam  confessionem  ab  eo  ullam  requisierim,  sed  hoc  potius  ut  quae  impie  scripsisse  illum  non  puduit,  et  coram  Deo  et  ipsius  ecclesia  affirmare,  ea  quoque  ipsum  contrario  scripto  vel  coram  abnegare,  detestari  et  anathemate  iugulare  non  pudeat.  Si  hoc  detrectat  non  video  cur  illum  fratris  loco  habeam,  etiamsi  mille  puras  in  speciem  confessiones  ederet.  Servet  Dominus  ecclesiam  ab  istis  portentosis  et  arrogantibus  ingeniis,  quae,  ne  videantur  hominibus  quidquam  tribuere,  suo  iudicio  omnia  subiiciunt.  .  .  orationibus  edidit  Geo.  Schwartz.  .  Epistolam  hanc,  quum  ex  Italia  missum  libellum  dicat,  non  temere  ad  a.  1563  referre  videbimur,  quo  concilium  dissolutum  fuit,  ad  quod  autor  demum  a.  1562  delegatus  fuerat  4212.1)  obiit  prid.  id.  Nov.  1562.  2)  Gribaldo.