9:49  49  CONTRA  WESTPHALUM.  50  fidelium  oculos,  qui  re  ipsa  Dominum  quod  testatur  praestare  clare  asserimus:  sed  tantum  distingui  volumus,  ut  a  signo  et  actione  visibili  ad  rem  spiritualem  anagoge  fiat.  Quorsum  enim  sub  terrenis  elementis  carnis  et  sanguinis  sui  pignus  proponit  Christus,  nisi  ut  nos  sursum  attollat?  Quod  si  ruditatis  nostrae  adminicula  sunt,  ad  rem  ipsam  nemo  unquam  pertinget,  nisi  qui  ita  adiutus  a  terra  in  coelum  quasi  per  gradus  conscendet.  Itaque  non  modo  totum  Christi  ordinem  pervertunt,  sed  spiritui  Dei  suum  eripiunt  loquendi  morem,  qui  negant  sub  panis  symbolo  repraesentari  nobis  Christi  corpus.  Hac  ratione  corporis  nomen  pani  tribuit.  Eo  usque  vero  efferri,  ut  interpretationem  pro  summo  sacrilegio  habendam  clamitent,  cuius  modestiae  est?  Fontes  totius  controversiae  l)  digito  monstrare  placuit,  ex  quibus  pateret  superbo  magis  [pag.  8]  adversae  partis  fastidio  quam  iusta  causa  dissidium,  quod  exstinctum  esse  debuerat,  rursus  accendi:  cuius  si  funestum  et  lamentabilem  exitum  timetis,  ut  certe  timendus  est,  vos  per  sacrum  Christi  nomen  et  nostrae  in  ipso  unitatis  vinculum  obtestor,  ut  quaerendo  remedio  certatim  operam  detis.  Quaecunque  oblata  fuerit  conciliationis  ratio,  ad  eam  amplexandam  me  non  modo  propensum  fore,  sed  alacrem  profiteor.  Vestrae  quoque  et  pietatis  et  humanitatis  vicissim  erit,  quem  cognoscitis  optima  fide  et  cum  fructu  non  poenitendo  sua  omnia  studia  et  labores  in  ecclesiae  aedificationem  conferre,  potius  sublevare,  quam  calcandum  permittere  importuni  hominis2)  libidini.  Sed  quid  de  me  privatim  loquor?  Quin  sanctae  potius  cum  tot  ecclesiis  coniunctionis,  quam  iste  abrumpere  conatur,  vobis  1)  le  noeud  de  la  matiere  et  les  principaux  points  de  tout  le  different.  2)  Add.  et  desraisonnable.