7:49  49  IEHAN  CALVIN  AUX  MINISTRES  1)  DES  EGLISES  DU  CONTE  DE  NEUF-CHASTEL.  [page  3]  Si  quelcun  s'ebahit,  mes  treschers  freres  et  compagnons  en  l'oeuvre  du  Seigneur,  comment  ie  m'amuse  a  respondre  a  un  livre,  qui  n'est  pas  digne  qu'on  en  pai  le,  ne  qu'on  en  face  quelque  mention:  veu  que  ie  me  pourrois  employer,  comme  il  semble,  a  choses  meilleures,  et  de  plus  grand  fruict:  il  me  suffiroit  bien  pour  toute  excuse,  d'alleguer  que  c'est  a  la  requeste  et  instance  de  plusieurs  bons  fideles,  qui  me  l'ont  envoye  de  bien  loing,  avec  tesmoignage,  qu'il  estoit  bien  mestier,  pour  le  salut  de  beaucoup  de  povres  ames,  que  i'y  misse  ,1a  main.  Car  ie  pense  bien,  que  cela  doit  estre  assez,  pour  contenter  ceux  qui  voudront  prendre  raison  en  payement:2)  que  i'ayevoulu  acquiescer,  tant  au  iugement,  [page  4]  qu'au  desir  de  ceux3)  que  ie  congnois  estre  zelateurs  de  la  gloire  de  Dieu  et  de  l'edification  de  son  peuple.  Mais  encor,  i'ay  une  autre  response,  pour  me  excuser  envers  ceux  qui  pourroyent  penser  que  c'est  folie  a  moi  de  m'occuper  a  chose  si  maigre  et  frivole,  comme  a.  ce  livret.  lequel  il  appert  avoir  este  compose  par  gens  ignorans:  c'est  que  nous  n'avons  pas  plus  de  privilege  qu'ont  eu  les  Prophetes  de  Dieu,  et  que  nostre  peine  n'est  pas  plus  precieuse  que  la  leur.  Or,  nous  voyons  que  Ezechiel  (13,  17)  a  este  contrainct  de  parler  et  escrire;  non  seulement  contre  les  seducteurs  de  nul  savoir,  ou  reputation:  mais  aussi  contre  les  femmes,  qui  vouloyent  faire  des  prophetesses.  Puis  que  le  prophete  ne  s'est  pas  espargne  a  disputer  contre  les  femmes;  et  mesme  qu'il  luy  a  este  commande  par  nostre  Seigneur  de  ce  faire,  d'autant  que  en  induisant  le  peuple  par  leurs  mensonges  a  superstition  et  erreur  elles  empeschoyent  [page  5]  le  cours  de  la  verite:  ce  seroit  une  presumption  a  nous  de  ne  daigner  nous  soubmettre  a  faire  le  semblable.  Il  est  vray  que  ce  1)  ministris  et  pastoribus.  2)  illud  cordatis  viris  satisfacturum.  3)  de  ceux  .  .  .  .  peuple.  Le  traducteur  a  mis  simple'  ment:  piis  viris.  Gakim  opera.  Vol  VIL