58:49  49  DE  IACOB  ET  ESAU.  50  afin  que  vous  soiez  enseignez  en  la  voie  de  salut.  Or  depuis  cela,  nous  avons  encore  l'evangile,  la  ou  nostre  Seigneur  Iesus  Christ  nous  esclaire  en  toute  plenitude:  car  il  est  le  Soleil  de  iustice.  Quand  donc  nous  avons  des  tesmoins  si  suffisans,  faut-il  que  nous  demandions  que  les  Anges  descendent  du  ciel,  et  que  Dieu  nous  revele  encore  ce  qui  nous  est  cache?  Et  ainsi  contentons  -  nous  (comme  i'ay  desia  dit)  de  l'escriture  saincte.  Et  quand  il  est  question  de  nous  enquerir  de  Dieu,  si  nous  le  voulons  avoir  pour  nostre  Maistre,  que  nous  venions  a  l'escriture  saincte:  et  qu'il  nous  souvienne  de  ce  que  dit  Moise:  Tu  ne  diras  point,  Qui  est-ce  qui  montera  sur  les  nues?  Qui  est-ce  qui  descendra  aux  abismes?  Qui  est-ce  qui  passera  la  mer?  La  Parole  est  en  ton  coeur  et  en  ta  bouche,  dit-il.  Puis  qu'ainsi  est,  que  Moise  a  proteste  cela  de  son  temps  :  auiourd'hui  nous  avons  beaucoup  moins  d'occasion  d'extravaguer  ne  ca  ne  la,  et  nous  ietter  a  l'esgaree,  pour  nous  enquerir  de  la  volonte  de  Dieu.  Car  (comme  i'ay  dit)  l'Evangile  contient  toute  perfection  de  doctrine:  et  aussi  voila  le  seul  moien,  par  lequel  nous  pourrons  estre  satisfaits,  et  avoir  noz  esprits  tranquilles  et  tous  cois:  c'est  assavoir,  que  nous  escoutions  Dieu  parler,  et  que  nous  lui  soions  dociles,  pour  recevoir  ce  qu'il  dira:  car  il  est  certain,  que  comme  il  a  este  respondu  a  nostre  mere  Rebecca,  ce  que  Dieu  cognoissoit  estre  expedient:  aussi  l'escriture  ne  nous  defaudra  pas  en  cest  endroit:  car  elle  nous  prononce  haut  et  clair,  que  Dieu  nous  a  eleus  avant  la  creation  du  monde  en  Iesus  Christ,  selon  son  bon  plaisir,  lequel  il  avoit  propose  en  soymesme.  Il  ne  faut  point  la  de  glose  :  voila  Dieu  qui  parle  en  telle  facon,  que  les  plus  rudes  et  les  plus  idiots  cognoistront  ce  qui  est  la  contenu.  Dieu  donc  nous  a  eleus  (dit  saint  Paul),  et  par  ce  moien  il  monstre  qu'il  nous  a  discernez  d'avec  ceux  qui  perissent.  Et  voila  comment  sa  misericorde  a  envers  nous  beaucoup  plus  de  lustre.  Car  a  quoy  a-il  tenu  que  nous  ne  soions  demeurez  en  telle  perdition  que  les  autres,  sinon  que  Dieu  nous  a  este  pitoiable,  sans  que  nous  Peussions  merite  ?  Or,  pour  mieux  exprimer  le  tout,  Sainct  Paul  dit  qu'il  nous  a  eleus  en  Iesus  Christ:  il  s'ensuit  donc  que  c'est  hors  de  nos  personnes.  Si  nous  estions  eleus  en  nousmesmes,  Dieu  y  trouveroit  quelque  matiere,  pour  estre  induit  a  nous  aimer,  et  estre  enclin  a  nous  appeler  a  salut.  Mais  quoy?  Nous  sommes  eleus  hors  de  nous-mesmes:  c'est  a  dire,  Dieu  n'a  point  eu  esgard  a  ce  que  nous  estions,  ou  pouvions  estre  :  mais  nostre  election  est  fondee  en  Iesus  Christ.  Et  puis,  encore  donne-il  une  declaration  plus  ample,  c'est  selon  son  bon  propos,  lequel  il  a  determine  en  soy-mesme.  Quand  il  dit  que  cela  est  selon  le  propos  de  Dieu:  il  est  certain  que  tout  ce  qui  est  du  coste  des  hommes  est  exclus  manifestement,  et  Calvini  opera.  Vol.  LVIII.