51:49  49  SUR  L'EPITRE  AUX  GALATES.  50  ea  integrite,  que  nous  ne  taschons  point  a  frauder  par  malice  ni  par  astuce,  que  nous  ne  sommes  point  doubles,  qu'il  n'y  ait  point  de  fiction  en  nous  pour  circonvenir  les  simples  :  mais  que  nous  faisons  a  autruy  ce  que  nous  voulons  qu'on  nous  face.  Voila  donc  comme  sainct  Paul  a  entendu  ici  que  la  foy  est  fruict  de  l'Esprit.  Or  il  adiouste,  Douceur  et  benignite:  et  c'est  pour  ce  que  sans  cela  il  est  impossible  que  nous  soyons  unis  ensemble  et  qu'il  y  ait  nulle  concorde:  car  si  chacun  veut  estre  terrible  et  n'ait  nulle  humanite  en  soy,  il  vaudroit  mieux  que  nous  fussions  bestes  sauvages.  Il  faut  donc  que  nous  monstrions  un  desir  de  communiquer  avec  ceux  ausquels  Dieu  nous  a  conioints.  Bref,  la  charite  s'entretient  par  ceste  douceur,  par  ceste  bonte  et  par  ceste  mansuetude  dont  parle  ici  sainct  Paul.  Or  il  adiouste  quant  et  quant  Attrempance,  qui  est  non  seulement  de  nous  abstenir  de  piller  le  bien  d'autruy,  mais  de  vivre  sobrement  et  de  nous  garder  de  toute  intemperance  et  exces.  Bref,  S.  Paul  a  mis  en  avant  ces  vertus  qu'il  recite  pour  chrestiennes,  comme  s'il  disoit,  que  si  nous  sommes  gouvernez  par  l'Esprit  de  nostre  Seigneur  Iesus  Christ,  que  cela  se  pourra  bien  voir  et  iuger  par  nostre  vie,  quand  nous  serons  retenus  en  bride  pour  ne  point  nous  esgayer  comme  font  les  gens  dissolus,  et  que  nous  serons  charitables  et  humains  les  uns  envers  les  autres,  qu'il  n'y  aura  nulle  iniquite  en  nous,  ni  fraude,  ni  extorsion:  mais  qu'un  chacun  se  contentera  du  sien,  que  nous  tascherons  de  servir  l'un  l'autre.  Or  nous  voyons  tant  y  a  que  tout  bien  procede  de  l'Esprit  de  Dieu.  Mais  nous  voyons  quant  et  quant  que  nostre  Seigneur  Iesus  est  la  fontaine  de  laquelle  il  nous  faut?puiser  :  et  si  nous  sommes  a  luy,  et  que  nous  luy  appartenions  comme  membres  de  son  corps,  qu'en  nostre  vie  il  monstrera  que  ce  n'est  pas  en  vain  qu'il  nous  recoit  et  nous  advoue  pour  siens.  La  dessus  sainct  Paul  conclud  que  contre  telles  vertus  (ou  les  hommes  qui  en  sont  douez)  ia  Loy  n'a  point  son  empire  ne  sa  vertu.  Et  pourtant  (comme  ii  dit  au  premier  chap.  de  la  premiere  epistre  a  Timothee)  que  la  Loy  n'est  pas  donnee  pour  les  iustes:  mais  pour  les  meschans,  et  ceux  qui  sont  desbordez  en  leurs  crimes  et  malefices.  Si  donc  les  seducteurs  qui  troubloyent  adonc  l'Eglise  eussent  bien  cognu  quelle  estoit  la  fin  de  la  Loy  et  de  l'Evangile,  ils  n'eussent  pas  ainsi  pretendu  d'assuiettir  les  fideles.  Et  cependant  sainct  Paul  se  moquant  de  leur  hypocrisie  qui  estoit  coniointe  avec  une  impudence,  declare  qu'ils  faisoyent  des  grands  zelateurs  de  la  Loy,  et  cependant  en  leur  vie  on  ne  cognoissoit  que  mespris  de  Dieu,  avec  toute  impiete.  Comme  auiourd'huy  les  caphards  de  la  Papaute  crieront  tant  et  plus  que  Calvini  opera.  Vol.  IL.