48:49  49  CAPUT  IL  50  Quare,  nemo  in  ea  vere  et  proprie  sedere  dicitur,  nisi  qui  creaturas  omnes  honoris  gradu  superat.  Qui  autem  inter  creaturas  residet,  etiamsi  in  ordine  angelorum  censeatur,  infra  illam  altitudinem  manet.  Denique,  inter  creaturas  non  est  quaerenda  Dei  dextera,  sed  omnes  etiam  coelestes  principatus  supereminet.  In  ipso  praeterea  orationis  complexu  inest  magnum  pondus.  35.  Iubetur  hic  rex  tenere  summum  imperium,  donec  inimicos  eius  omnes  Deus  prostraverit.  Certe  etiamsi  concedam  terreno  dominio  nomen  tam  honorificae  sessionis  posse  aptari,  nego  tamen  tamdiu  regnasse  Davidem,  donec  subacti  essent  omnes  eius  hostes.  Nam  hinc  merito  colligimus,  aeternum  esse  Christi  regnum.  Regnum  autem  Davidis  non  modo  fuit  temporale,  sed  caducum  et  exiguae  durationis.  Ad  hoc,  ipse  moriens  multos  hinc  inde  superstites  adversarios  reliquit.  Multas  quidem  insignes  victorias  obtinuerat:  sed  multum  abest  quin  omnes  suos  hostes  domuerit.  Quosdam  ex  vicinis  populis  sibi  fecit  tributarios,  quosdam  profligavit  aut  delevit:  sed  quid  hoc  ad  universitatem?  Ex  toto  denique  Psalmi  contextu  evincere  licet,  non  aliud  quam  Christi  regnum  posse  intelligi.  Ut  alia  taceam:  quod  illic  habetur  de  aeterno  sacerdotio,  a  Davidis  persona  nimis  est  alienum.  Scio  quid  Iudaei  obganniant:  alibi  quoque  regios  filios  coha  ni  m  nominari.  Verum  hic  de  sacerdotio  agitur,  quale  Moises  regi  Melchisedec  adscribit.  Et  sancitur  solenni  iureiurando  novum  quoddam  sacerdotium.  Ideoque  nihil  hic  vulgare  aut  ordinarium  cogitandum  est.  Atqui,  Davidi  nefas  fuisset  se  ingerere  in  aliquam  partem  muneris  sacerdotalis.  Quomodo  igitur  diceretur  cohen  Aarone  maior  et  in  perpetuum  a  Deo  consecratus?  Caeterum,  quia  praesentis  instituti  non  est  totum  Psalmum  exponere:  sufficiat  haec  ratio  quam  Petrus  adducit:  praefici  terrae  et  coelis  Dominum,  qui  in  dextera  Dei  sedem  habet.  Quantum  ad  secundum  membrum  versus,  de  sternendis  sub  pedes  hostibus,  lege  quae  annotavi  in  caput  prioris  ad  Corint.  15.  36.  Certo  igitur  cognoscat.  Confitebatur  domus  Israel  venturum  esse  Christum,  qui  promissus  fuerat:  quisnam  vero  hic  esset,  non  tenebat.  Itaque,  concludit  Petrus,  Iesum  qui  tam  contumeliose  habitus  fuerat,  imo  cuius  nomen  tantopere  exsecrabantur,  eum  esse,  quem  agnoscere  pro  Domino  et  revereri  debeant.  Fecit  eum  Deus,  inquit,  Dominum  et  Christum:  hoc  est,  non  alius  vobis  sperandus  est  quam  hic  creatus  et  datus  a  Deo.  Porro  dicit  factum,  quia  Deus  pater  hunc  illi  honorem  contulerit.  Domini  titulum  coniungit  cum  Christi  nomine,  quia  vulgo  tritum  erat  apud  Iudaeos,  hac  lege  ungendum  esse  redemptorem,  ut  caput  esset  ecclesiae,  atque  illi  gubernandi  potestas  summaque  rerum  omnium  daretur.  Et  totam  Israelis  domum  Calvini  opera.  Vol  XLVIII.