44:49  49  CAPUT  III.  50  Deum,  sed  quod  se  subduxerint:  atque  ita  fuerint  indomabiles:  quia  volebat  Dominus  ipsos  cicurare:  fuerint  autem  similes  feris  bestiis.  Nunc  sequitur:  3.  Principes  eius  in  medio  eius,  leones  rugientes:  iudices  eius  lupi  vespertini,  non  lacerant  ad  mane.  (Alii,  non  differunt,  nempe  ossa  comminuere:  sed  DTI  proprie  significat  conterere,  vel  frangere.  Ergo  de  ossibus  loquitur  propheta,  quod  scilicet  non  exspectarent  usque  ad  mane,  ut  ossa  contererent  dentibus:  sed  prae  fame,  vel  potius  rabie  praedam  statim  lacerarent:  imo  etiam  contererent  ossa  dentibus.)  Iam  exponit  propheta  quod  prius  diximus  de  rapinis,  vel  fraudibus.  Confirmat,  se  non  abs  re  vocasse  Ierosolymam  JWn,  hoc  est  direptricem,  vel  urbem  fraudibus  deditam:  nempe  quia  principes  fuerunt  similes  leonibus  et  iudices  lupis.  Quum  autem  iudices  compellat,  non  parcit  interea  promiscuo  vulgo:  sed  ostendit  omnes  ordines  tunc  fuisse  corruptos:  quia  etiamsi  in  plebe  nulla  iustitia  vel  aequitas  colatur,  manebit  tamen  aliquis  pudor  in  ipsis  iudicibus,  ut  saltem  contineant  populum  in  officio,  ne  exsultet  nimia  peccandi  licentia.  Sed  ubi  latrocinium  in  ipso  foro  exercetur,  quid  iam  de  tota  urbe  dicendum  erit?  Videmus  ergo  prophetam  his  verbis  notare  extremam  confusionem,  quum  dicit  principes  Ierosolymae  esse  leones.  Et  alibi  vidjmus  similes  sententias,  ubi  scilicet  prophetae,  quum  propositum  illis  esset  damnare  omnes  a  minimo  usque  ad  maximum:  tamen  sermonem  suum  praecipue  stringebant  in  ipsos  iudices,  et  hoc  notatu  dignum  est:  quia  tunc  nulla  fuit  Dei  ecclesia  in  mundo,  nisi  Ierosolymae.  Propheta  nihilominus  et  iudices  et  prophetas  et  sacerdotes  dicit  fuisse  omnes  apostatas.  Quid  tunc  potuit  esse  animi  fidelibus?  Atqui  videmus  non  excidisse  prorsus  timorem  Dei  in  electis,  et  certasse  ipsos  constanter  et  invicto  animo  contra  eiusmodi  scandala  et  tentationes.  Ergo  discamus  etiam  nos  hodie  munire  simili  fortitudine  animi:  ne  deficiamus,  quamvis  ubique  grassetur  impietas,  et  videri  possit  exstincta  omnis  religio  inter  mortales.  Caeterum  hinc  etiam  colligimus  quam  stulte  superbiant  hodie  papistae  inanibus  titulis:  quia  putant  sibi  obstrictum  esse  Deum,  ubi  vocantur  episcopi  et  pastores.  Sed  propheta  ostendit,  etiam  qui  ordinario  munere  regiminis  funguntur,  posse  tamen  esse  impios  et  perfidos  Dei  contemptores.  Simul  ostendit  non  esse  parcendum  vel  prophetis,  vel  sacerdotibus:  quia  Deus  dum  praefecit  illos  ecclesiae  suae,  non  tradidit  tyrannicum  imperium,  ut  impune  quidvis  audeant,  neque  coarguantur.  Quanquam  enim  sacrum  erat  sacerdotium  legale,  videmus  tamen  ut  fuerit  obnoxium  reprehensioni.  Ita  hodie  nemo  sibi  arroget  immu-  Calvini  opera.  Vol  XLIV.