40:49  49  IN  EZECHIELIS  PROPH.  CAP.  L  50  ^C3J  refertur  ad  JPpl)  super  capita  ipsorum  (animalium)  desuper.  Iam  narrat  propheta  quod  in  hac  visione  praecipuum  est,  Deum  scilicet  in  solio  suo  sedisse:  quia  si  tantum  de  animalibus  et  rotis  ioquutus  foret,  visio  fuisset  parum  utilis,  saltem  fuisset  mutila.  Sed  ubi  Deum  locat  in  suo  solio,  hinc  colligimus  angelos,  qui  motum  aliis  rebus  inspirant,  per  se  ipsos  non  moveri,  nec  quidquam  habere  vigoris.  In  summa,  propheta  hic  docet,  angelos  sic  agitare  quaecunque  fiunt  sub  coelo,  ut  tamen  nihil  ipsis  debeat  adscribi  tanquam  proprium.  Quare?  Deus  enim  ipsis  praesidet,  et  eorum  actiones  moderatur.  Huc  tendit  ultima  pars  visionis,  quae  nunc  exponenda  est.  Dicit  igitur,  super  capita  animalium  fuisse  similitudinem  firmamenti.  Paulatim  nos  ad  Deum  ipsum  adducere  voluit  his  verbis:  et  Deus  etiam  ita  egit  cum  suo  propheta,  ut  gradus  diversos  sterneret,  quo  propheta  ipse  pro  captu  humanae  mentis  paulatim  conscenderet  ad  immensam  altitudinem.  Non  ergo  hic  loquitur  propheta  de  solio  Dei,  sed  tantum  de  firmamento.  Ubi  enim  sursum  attollimus  oculos,  propius  illic  nobis  apparet  Dei  gloria,  quam  in  terris.  Certum  quidem  est,  ubique  ipsam  fulgere  et  sursum,  et  deorsum:  sed  coelum  habet  in  se  plus  praestantiae,  quam  tota  terra:  et  quo  propius  ad  Deum  accedit,  etiam  illic  magis  conspicua  est  eius  imago.  Nam  certe  illic  exseruit  Deus  et  suam  potentiam,  et  sapientiam  multo  luculentius,  quam  in  terris.  Sol  quot  in  se  continet  miracula?  Si  excutiamus  singulos  planetas,  deinde  si  stellas  consideremus,  necesse  erit  nos  centies  in  admirationem  rapi.  Ergo  propheta  quum  loquitur  de  firmamento,  quodammodo  nos  attollit,  ut  paulatim  mentes  nostrae  ad  Deum  usque  perveniant.  Vidit  ergo  similitudinem  firmamenti.  Si  vidisset  simpliciter  firmamentum,  non  fuisset  visio.  Nam  hoc  expositum  est  oculis.  Nescio  cur  Graeci  verterint  atepatojjia,  et  Latini  sint  eos  sequuti.  Nam  jpp"l  nihil  habet  simile,  vel  affine.  Tamen  utor  recepto  verbo.  Coelum  igitur  quia  omnibus  expositum  est,  non  poterat  prophetam  ita  attentum  reddere  ut  oportuit.  Sed  vidit  similitudinem  firmamenti,  unde  agnovit  non  esse  coelum,  sed  esse  novam  formam  quae  subiiciebatur  eius  oculis,  ac  si  Deus  ipsum  in  coelum  adduceret  veluti  porrecta  manu.  Super  capita  animalium  ergo  erat  pp")  expansio,  expansa  est.  Est  quidem  aliud  participium  ^103  quod  significat  extensam:  nCM  significat  extendere  vel  expandere:  sicut  similitudo  crystalli  terribilis,  inquit.  Fuit  ergo  color  crystalli  in  hoc  coelo  quod  propheta  vidit:  sed  terrorem  coniunxit  Deus,  quia  ut  iam  dictum  fuit,  pro  nostro  torpore  necesse  est  adhiberi  quandam  violentiam,  quum  Deus  vult  nos  totos  sibi  addicere.  Super  capita  ipsorum  ani-  Calvini  opera.  Vol.  XL.