39:49  49  IN  IEREMIAM.  OAR  XXXIII.  50  complebit  quod  pollicitus  est.  Quamvis  enim  terra  vestro  iudicio  praepostere  damnata  sit,  Dominus  tamen  iterum  efficiet  ut  habitetur  a  veris  incolis,  et  legitimis  suis  haeredibus,  nempe  filiis  Abrahae.  Haec  ratio  est  cur  commemoret  Iudaeos  terram  addixisse  aeternae  vastitati.  Subiungit  eodem  sensu,  Agri  pecunia  ementur,  et  scribendo  (verba  sunt  modi  infiniti)  scribent  in  tabulis,  et  signabunt  contestando  etiam  testes,  nempe  in  terra  Beniamin,  inquit.  Hic  designat  propheta  omnes  limites,  quibus  circumdata  erat  Ierusalem.  Scimus  partem  urbis  fuisse  in  sorte  Beniamin,  et  una  etiam  porta  sic  vocata  fuit.  In  terra  Beniamin,  inquit:  deinde,  per  circuitus  Ierusalem,  nempe  in  urbibus  Iehudah  tam  montanis  quam  campestribus,  et  in  urbibus  quae  respiciunt  meridiem,  vel  Aegyptum.  Illa  enim  regio  australis  tendebat  versus  Aegyptum.  Additur  ratio,  quia  Deus  reducet  captivitatem  ipsorum,  hoc  est,  restituet  captivos  ita  ut  rursus  terram  possideant.  Nunc  sequitur,  CAPUT  TRIGESIMUM  TERTIUM.  1.  Et  fuit  sermo  Iehovae  ad  Ieremiam  secundo,  quum  ipse  adhuc  captivus  esset  in  atrio  custodiae,  dicendo  :  2.  Sic  dicit  Iehovah  faciens  ipsam,  Iehovah  formans  ipsam,  ad  stabiliendum  ipsam  :  Iehovah  nomen  eius,  3.  Clama  ad  me,  et  respondebo  tibi,  et  annuntiabo  tibi  res  magnificas,  et  reconditas,  quas  non  novisti,  4.  Quia  sic  dicit  Iehovah  Deus  Israel  super  domibus  urbis  huius,  super  domibus  regum  Iehudah,  quae  dirutae  fuerunt  catapultis,  et  gladio  (vel  balistis,  vel  machinis  aliis  :  alii  autem  vertunt  ad  catapultas,  vel  balistas,  vel  alias  munitiones,  et  ad  gladium:  dicemus  postea  de  sensu.  Haec  omnia  legenda  sunt  uno  contextu).  5.  Venerunt  ad  praeliandum  cum  Chaldaeis,  et  ad  replendas  ipsas  (domos)  cadaveribus  hominum,  quos  percussi  in  ira  mea,  et  indignatione  mea  et  quia  abscondi  faciem  meam  ab  hac  urbe  propter  universam  malitiam  ipsorum:  6.  Ecce  ego  adduco  illi  restitutionem,  et  sanationem,  et  sanabo  eos,  et  aperiam  ipsis  multitudinem  pacis  et  veritatis  (alii  vertunt  orationem).  Eodem  spectat  hoc  vaticinium,  nec  mirum  est  Deum  toties  de  eadem  re  verba  fecisse,  quia  sic  oportuit  inexcusabiles  reddi  Iudaeos,  quia  semper  obtendunt  ignorantiam,  nisi  Deus  idem  saepius  repetat.  Et  hac  etiam  ratione  dicit  Paulus  (2.  Cor.  13,  1),  In  oro  duorum  vel  trium  stabit  omne  ne-  Calvini  opera.  Vol.  XXXIX.