35:49  49  IOB  CHAP.  XXXIII.  50  a  se  cognoistre,  qu'il  ne  leur  peut  demeurer  une  seule  goutte  de  bien,  mais  qu'il  faut  que  tout  soit  enregistre,  comme  aussi  ils  en  sont  contables  envers  Dieu.  Et  au  reste,  quand  nous  serons  ainsi  aneantis  en  nous-mesmes,  nous  n'y  aurons  nul  dommage:  car  nous  ne  laisserons  pas  d'estre  revestus:  voire  nous  serons  plus  riches  beaucoup,  que  ceux  qui  sont  ainsi  outrecuidez,  pensans  avoir  ie  ne  say  quoy  a  eux  comme  en  heritage,  si  nous  sommes  vrayement  conioints  a  Dieu,  et  que  nous  luy  attribuons  la  louange  qui  luy  est  deue.  Ainsi  donc  ne  craignons  point  d'estre  diminuez,  quand  nous  serons  ainsi  vuides  de  toute  gloire:  car  nostre  Seigneur  ne  veut  point  que  nous  soyons  desprouveus  d'aucun  bien:  mais  tant  y  a  qu'il  faut  que  nous  soyons  ainsi  confus  comme  i'ay  dit.  Et  cependant  apres  que  nous  aurons  cognu  que  nous  ne  pouvons  rien  sinon  ce  qui  nous  est  donne  d'enhaut,  que  nous  advisions  d'appliquer  tout  ce  que  Dieu  aura  mis  en  nous,  a  tel  usage  comme  il  nous  le  commande.  Car  nostre  Seigneur  ne  nous  a  point  douez  des  vertus  de  son  S.  Esprit,  qu'il  ne  vueille  que  cela  soit  applique  a  bon  usage:  il  ne  faut  pas  que  cela  soit  inutile.  Advisons  donc  que  ce  que  nous  avons  receu  soit  presente  et  offert  a  Dieu  comme  en  sacrifice:  et  puis  qu'il  veut  que  le  salut  de  nos  prochains  en  soit  avance,  que  sur  tout  nous  ayons  esgard  de  nous  edifier  les  uns  les  autres.  Voila  ce  que  nous  avons  ici  a  retenir.  Or  venons  maintenant  aux  propos  que  tient  ici  Eliu,  et  a  la  substance.  Il  avoit  dit,  l'Esprit  de  Dieu  m'a  cree,  son  souffle  m'a  donne  vie.  Ainsi  donc  (adiouste-il)  il  n'y  aura  point  de  frayeur  en  moy  pour  f  espouvanter,  mais  la  seule  raison  dominera.  Ici  Eliu  monstre  quel  est  l'office  d'un  bon  docteur,  c'est  qu'il  se  regarde  bien,  et  qu'il  se  mire  et  contemple,  devant  qu'ouvrir  la  bouche.  Et  pourquoy?  Car  ceux  qui  n'ont  pas  bien  cognu  leur  fragilite,  n'auront  point  de  compassion  de  leurs  prochains:  et  quand  ils  voudront  redarguer  ceux  qui  ont  failli,  ils  y  iront  avec  une  violence  telle,  que  ce  sera  pour  esgarer  plustost  que  de  reduire  au  droit  chemin  les  povres  errans.  Et  quand  il  sera  question  de  consoler,  ils  n'auront  nul  moyen  de  ce  faire:  quand  il  sera  question  d'enseigner,  ils  le  feront  avec  un  desdain.  Il  faut  donc  si  nous  voulons  enseigner  la  parole  de  Dieu  comme  il  appartient,  que  nous  eommencions  par  ce  bout  de  cognoistre  nos  infirmitez:  et  les  ayans  cognues,  que  cela  nous  mene  a  une  modestie  et  mansuetudo,  que  nous  ayons  un  esprit  debonnaire  pour  annoncer  la  parole  de  Dieu.  Il  est  vray  que  d'autant  qu'il  y  en  a  beaucoup  qui  sont  pleins  de  fierte  et  de  rebellion,  il  faut  que  la  parole  de  Dieu  a  ceux-la  soit  comme  un  marteau  qui  brise  et  rompe  ceste  durte:  mais  cependant  en  premier  lieu  nous  devons  enseigner  ceux  qui  se  rendront  Calvini  opera.  Vol.  XXXV.