33:49  49  IOB  CHAP.  I.  50  faut  tousiours  retenir  ceste  regle  que  l'Apostre  nous  donne,  que  les  sacrifices  n'ont  rien  valu  exterieurement,  sinon  d'autant  qu'ils  estoyent  fondez  en  l'obeissance  de  Dieu  et  de  sa  parole.  Or  il  est  vray,  que  Iob  n'avoit  point  la  Loy  escrite,  mais  il  suffit  qu'il  ait  eu  la  doctrine  qui  estoit  venue  de  Dieu,  et  laquelle  Noe  avoit  donnee  a  ses  enfans.  Ceux  qui  ont  persevere  en  cela  n'ont  point  este  enseignez  par  les  hommes,  et  combien  qu'ils  ouissent  la  doctrine  par  les  hommes,  tant  y  a  qu'ils  ont  tenu  comme  de  Dieu  ceste  regle  la:  car  il  suffisoit  bien  que  Dieu  les  enseignast  de  sa  volonte,  sans  qu'il  usast  du  moyen  de  ses  Prophetes,  commo  il  a  fait  depuis.  Nous  voyons  donc  maintenant  que  les  sacrifices  de  Iob  n'ont  point  este  faits  a  la  volee,  mais  qu'il  y  a  eu  une  foy  certaine.  Quand  il  est  dit,  que  Nohah  apres  le  deluge  a  sacrifie  a  Dieu,  voire  prenant  les  bestes  pures,  par  cela  nous  voyons  qu'il  avoit  instruction  du  ciel  :  car  ce  n'estoit  point  a  luy  a  discerner  les  bestes,  pour  dire,  En  voici  qui  sont  pures  et  nettes,  et  les  autres  sont  souillees:  il  falloit  que  Dieu  l'eust  instruit  a  cela.  Ainsi  donc  en  est-il  de  Iob,  qui  fait  des  sacrifices,  non  point  qu'il  en  soit  auteur  seul:  mais  il  se  renge  a  la  volonte  de  Dieu,  par  laquelle  il  est  conduit  et  gouverne:  et  cela  est  propre  a  la  foy,  ainsi  que  nous  avons  dit.  Or  la  dessus  nous  avons  a  noter  en  premier  lieu,  que  des  le  commencement  du  monde  Dieu  a  tellement  permis  les  hommes  aller  en  tenebres,  que  toutesfois  il  leur  a  laisse  quelques  tesmoignages  par  lesquels  ils  fussent  convaincus  de  leur  malediction:  et  n'y  eust-il  que  les  ceremonies  externes,  cela  estoit  bien  as&ez  pour  condamner  les  incredules.  Au  reste  nous  voyons  aussi  comme  les  hommes  sont  adonnez  du  tout  a  mal,  veu  qu'ils  pervertissent  les  choses  bonnes  et  sainctes  :  et  quand  Dieu  leur  a  declare  sa  volonte,  ils  la  convertissent  tout  au  rebours,  et  a  l'opposite.  Quand  donc  nous  voyons  que  les  hommes  sont  ainsi  volages,  cognoissons  que  nous  avons  besoin  de  prier  Dieu,  qu'il  nous  retiene  en  bride,  et  qu'il  ne  permette  pas  que  BOUS  declinions  de  la  purete  de  son  service,  comme  il  nous  en  adviendroit,  sinon  qu'il  nous  y  retinst.  Or  cependant  nous  sommes  aussi  admonnestez,  que  ce  n'est  pas  le  tout  de  servir  a  Dieu  en  apparence,  et  d'avoir  quelque  belle  monstre:  mais  que  le  principal  est  que  nous  le  servions,  sachans  quel  il  est,  et  cognoissans  sa  volonte  pour  nous  y  tenir.  Car  il  y  a  eu  grande  parade  aux  sacrifices  des  Payens,  et  mesmes  aussi  de  ceux  qui  ont  droitement  servi  a  Dieu:  et  toutesfois  les  uns  ont  este  reprouvez,  et  Dieu  les  a  eus  en  abomination,  et  les  autres  luy  ont  este  agreables.  Les  Payens  sacrifioient  en  grand'  pompe,  ils  avoyent  encens  et  parfums,  et  choses  semblables,  et  les  Iuifs  mesmes  en  la  Loi  en  faisoyent  autant.  Mais  quoy?  Voila  les  Payens  qui  Cahini  opera.  Vol.  XXXIII.