32:49  49  PSALMUS  XCIX.  50  fines  omnes  terrae  vidisse  salutem  Dei,  non  tantum  ad  commendationem  spectat,  ac  si  dixisset  memorabile  fore  salutis  genus,  cuius  fama  ad  ultimos  usque  terrae  fines  perveniret:  sed  etiam  significat,  gentes  quae  prius  suis  deliriis  fascinatae  fuerant,  fore  eius  participes.  4.  Exsultate  Iehovae  omnis  terra,  resonate,  et  exsultate,  et  'plaudite,  5.  Psallite  Iehovae  in  cithara,  in  cithara  et  voce  cantici:  6.  In  tubis  et  voce  buccinae  psallite  coram  rege  Iehova.  7.  Resonet  mare,  et  plenitudo  eius:  orbis,  et  qui  habitant  in  eo.  8.  Flumina  plaudent  manu,  simul  montes  exsultent:  9.  Ad  conspectum  Iehovae,  quia  venit  ad  iudicandam  terram:  iudicabit  orbem  in  iustitia,  et  populos  in  rectitudinibus.  4.  (Exsultate.)  Repetit  exhortationem  qua  initio  usus  fuerat,  quam  ad  gentes  dirigens,  satis  ostendit  unam  fore  ecclesiam  in  toto  mundo,  ubi  Deus  diruta  maceria  in  eundem  fidei  consensum  omnes  colliget.  In  musicis  instrumentis  alludit  haud  dubie  ad  temporis  sui  morem.  Interea  noluit  gentes  caeremoniis  legalibus  obstringere.  Caeterum  in  verborum  repetitione  vehementia  est:  ac  si  dixisset,  quamlibet  ardenter  conentur  homines  celebrare  mundi  redemptionem,  nullae  tamen  laudes  gratiae  magnitudini  pares  fore.  Quod  etiam  ex  sequentibus  melius  patet,  ubi  rebus  inanimatis  sensum  tribuit.  Sed  quia  totus  hic  contextus  alibi  expositus  fuit,  nunc  pluribus  dicendis  supersedeo.  PSALMUS  XCIX.  ARG.  Psalmus  hic  a  superioribus  in  uno  differt,  quod  regnum  Dei  et  beatitudinem  quae  inde  consequitur,  ultra  Iudaeae  fines  non  extendit:  sed  potius  ob  adoptionis  privilegium  filios  Abrahae  a  reliquis  gentibus  separans,  illos  peculiariter  ad  Deum  laudandum  exstimulat.  1.  Iehova  regnat,  contremiscant  populi:  habitans  inter  Cherubim,  moveatur  terra.  2.  Iehova  in  Sion  magnus,  et  excelsus  ipse  super  omnes  gentes.  3.  Confitebuntur  nomini  tuo*magno  et  terribili:  sanctum  est.  A.  Et  robur  regis  iudicium  diligit:  tu  statuisti  rectitudines,  iudicium  et  iustitiam  in  Iacob  tu  fecisti.  1.  {Iehova  regnat!)  Tantum  populos  iubet  contremiscere  quos  prius  ad  laetitiam  vocabat.  Nam  quia  undique  obsessi  hostibus  erant  Iudaei,  operae  pretium  fuit  Dei  potentiam  apud  ipsos  extolli,  ut  scirent  illius  praesidio  se  contra  omnium  odia  et  furores  semper  tutos  fore.  Verbum  fjp,  ut  alibi  Calvini  opera.  Vol.  XXXII.