31:49  49  PSALMUS  II.  50  quendo  satis  valide  fulminat  contra  hostes  suos,  et  sola  virga  labiorum  eos  in  nihilum  redigit.  Quantumvis  enim  fremant,  calcitrent,  ac  furioso  impetu  resistant:  coguntur  tandem  iudicem  suum  sentire,  cui  regium  honorem  negant.  Denique  variis  modis  conteruntur,  donec  fiant  scabellum  pedum  eius.  Quomodo  evangelii  doctrina  sceptrum  sit  ferreum,  colligere  licet  ex  Paulo,  H.  Corinthior,  capite  quarto,  ubi  docet  eius  ministros  praeditos  esse  armis  spiritualibus  ut  deiiciant  omnem  altitudinem  quae  se  extollit  adversus  Christum,  ete.  Fateor  quidem  etiam  ipsos  fideles  mactari  Deo  in  sacrificium,  ut  eos  sua  gratia  vivificet:  quia  humiliari  nos  prius  oportet,  quam  Christus  nobis  manum  porrigat.  Sed  quia  Christus  discipulos  suos  ad  poenitentiam  ita  erudit,  ut  illis  nequaquam  terribilis  appareat:  quin  potius  ostenso  pastoris  pedo,  tristitiam  eorum  mox  in  gaudium  vertat  :  adeo  non  utitur  sceptro  ferreo  ad  ipsos  frangendos  ut  salutari  manus  suae  umbra  magis  eos  protegat,  virtutemque  fulciat.  Quare  nonnisi  in  rebelles  et  incredulos  competit  fractura  ista,  qui  non  poenitentia  subacti,  sed  desperatione  oppressi  Christo  succumbunt.  Caeterum,  quanquam  non  omnes  voce  compellat,  quia  tamen  verbo  suo  denuntiat  quaecunque  in  eos  exercet  i^1  *^a,  vere  dicitur  impium  spiritu  oris  sui  interficere,  UT  Thess.  2,  8.  Pulcra  autem  similitudine  stultam  eorum  superbiam  traducit.  Quamvis  enim  dura  sit  et  plus  quam  lapidea  eorum  obstinatio,  vasis  tamen  fictilibus  magis  fragiles  esse  docet  :  quia  tamen  non  statim  conteri  videmus  quicunque  Christo  resistunt,  imo  sub  ferreis  eorum  malleis  ecclesia  infirma  testae  similis  est,  pios  omnes  admonitos  esse  convenit,  ut  quotidiana  Christi  iudicia  tanquam  horribilis  ruinae,  quae  manet  omnes  impios,  praeludia  reputando,  diem  ultimum  patienter  exspectent,  quo  ipsos  adventus  sui  flamma  prorsus  assumet.  Interim  sufficiat  eum  in  medio  hostium  suorum  dominari.  10.  Et  nunc  Beges  ad  mentem  redite,  erudimini  Iudices  terrae��  l  l  .  Servite  Iehovae  in  timore,  exsultate  in  tremore.  Postquam  ultionem  Dei  proposuit  David  tanquam  iudicii  eius  praeco,  nunc  prophetae  ac  doctoris  partes  suscipiens  incredulos  ad  poenitentiam  hortatur,  ne  sero  experiri  cogantur  non  futiles,  nec  irritas  fuisse  minas.  Nominatim  vero  reges  et  proceres  alloquitur,  qui  non  ita  facile  mansuescunt.  Adde,  quod  inanis  sapientiae  fastus  quo  turgent,  eos  quid  rectum  sit  discere  non  patitur.  Porro  si  ne  ipsis  quidem  regibus  parcit  David,  qui  videntur  legibus  soluti,  et  exempti  communi  ordine,  multo  magis  ad  vulgus  hominum  pertinet  eius  exhortatio,  ut  omnes  a  summo  usque  ad  infimum  humiliet.  Calvini  opera.  Vol.  XXXI.