30:49  49  IN  I.  LIB.  SAMUEL.  CAP.  XIV.  50  Deo  fifc  reus  caedis,  quod  ab  irato  animo  et  odio  pleno  proficiscatur  illa  offensio:  sed  longe  gravius  peccatum  est  devotio  exsecrationis,  quam  alia  quaevis  iniuria  ferro  vel  alia  quavis  ratione  facta.  Maius  enim  odium  et  venenum  lethalius  ostendimus  in  eum,  quem  advocato  Dei  nomine,  exsecratione  obstringimus,  quam  si  stricto  gladio  mortem  illi  intentaremus  quem  odimus.  Itaque  quacunque  tandem  iniuria  illum  afficiamus,  nulla  tamen  tam  atrox  et  violenta,  quam  quum  imprecationibus  aut  exsecrationibus  illum  devovemus.  Odium  enim  plus  quam  diabolicum  et  furiosum  exsecrationes  illae  produnt,  quibus  Deum  illi  cupimus  inimicum.  Et  tamen  quam  longe  lateque  patet  hodie  istiusmodi  corruptio?  Nihil  audias  frequentius  in  ore  hominum  quam  diabolicas  imprecationes:  Dii  te  perduint,  Te  diabolus  auferat:  et  similia  multa  quae  pestiferea  linguae  istae  vomunt,  ut  in  buccam  venerint.  Sed  parva  ista  sunt,  horum  respectu  quae  impii  homines  in  Deum  ipsum  proiiciunt,  ut  audeant  conviciis  ipsum  lacessere,  horrendum  dictu  et  auditu:  et  adversus  Dei  filios  insurgere  tam  contumeliose,  tam  crudeliter  ut  pietatem  omnem  abiiciant,  et  Domini  nostri  Iesu  Christi  regnum  evertere  moliantur,  et  verbum  ipsius  abolere.  Quare  quum  tanta  sit  hodie  mortalium  impietas,  eo  attentius  nobis  hic  consideranda  sunt  quae  de  Saule  dicuntur:  nempe  licet  magna  videbatur  illi  oblata  occasio  populum  severiore  aliqua  lege  in  officio  et  humilitate  retinendi,  non  ideo  tamen  culpa  carere,  quod  ea  exsecratione  populum  obstrinxerit,  et  quidem  temere  et  inconsulto.  Profecto  omne  quidem  iuramentum  exsecrationem  in  se  continet  si  deficimus:  sed  longe  haec  differunt  inter  se,  iuramento  cum  consilio  et  ratione  facto  se  ad  faciendum  in  posterum  officium  astringere:  et  temere  exsecrationibus  sese  devovere,  quarum  nullum  iustum  est  fundamentum.  Nae  valde  rei  sunt  coram  Deo  qui  se  iustiusmodi  exsecrationibus  devovent,  vel  eo  solo  nomine  quod  Deus  testis  advocatus  est.  Imo  et  iudicem  illum  advocari  certum  est  et  vindicem  adversum  nos  ipsos,  si  mentiendo  proximis  iniuriam  fecerimus.  Nam  istae  sunt  iuramenti  plerumque  formulae,  Deum  in  animam  meam  testem  advoco.  Sic  D.  Paulus  loquitur.  Deum  igitur  testem  advocantes  si  defecerimus,  gravem  punitionem  meremur:  sed  si  temere  aliquid  execratione  facta  susceperimus,  non  est  in  nobis  situm  ut  promissum  istud  temerarium  implere  possimus.  Quare  qui  temere  istiusmodi  exsecrationibus  sese  devovent,  Dei  nomen  foedissime  profanant.  Quare  in  memoriam  revocanda  est  gravis  illa  comminatio  adversus  eos  qui  Dei  nomen  in  vanum  assumunt.  Et  quidem  hactenus  de  temeraria  illa  Saulis  adiuratione,  ne  populus  cibum  gustaret.  Sed  alia  ex  parte  quanta  Saulis  levitas?  Nam  Israelitae  in  Calvini  opera.  Vol  XXX.