3:49  49  LIVRE  I.  CHAPITRE  III.  50  pour  les  faire  encliner  à  religion.  Mesmes  il  n'est  pas  vray  semblable  que  ceux  qui  ont  voulu  abuser  les  simples  ydiots  sous  ce  tiltre,  ayent  esté  du  tout  vuides  de  cognoissance  de  Dieu.  Car  combien  qu'anciennement  aucuns  se  soyent  eslevez,  et  qu'auiourdhuy  encores  plusieurs  s'avancent  pour  nier  qu'il  y  ait  aucun  Dieu,  toutesfois  maugré  qu'ils  en  ayent  si  faut-il  qu'ils  sentent  ce  qu'ils  desirent  d'ignorer.  On  ne  trouve  point  par  les  histoires  que  nul  se  soit  plus  desbordé,  ny  avec  plus  grande  audace  et  furie,  que  Caligula  Empereur  de  Rome:  toutesfois  nous  ne  voyons  pas  que  nul  ait  esté  plus  effrayé,  ny  angoissé  de  plus  grande  destresse  que  luy,  quand  quelque  signe  de  l'ire  de  Dieu  se  monstroit.  Ainsi  combien  que  de  propos  deliberé  il  s'estudiast  à  mespriser  Dieu,  si  falloit-il  que  maugré  ses  dens  il  l'eust  en  horreur.  On  verra  le  semblable  avenir1)  à  tels  contempteurs:  car  selon  que  chacun  d'eux  est  le  plus  hardy  à  se  moquer  de  Dieu,  il  tremblera  plustost  que  tous  les  autres,  seulement  oyant  tomber  une  fueille  d'un  arbre.  Ie  vous  prie  d'où  procede  cela,  sinon  que  la  maiesté  de  Dieu  se  venge  en  espovantant  leurs  consciences,  d'autant  plus  fort  qu'ils  cuident  la  pouvoir  fuyr?  Ils  cherchent  bien  tous  subterfuges  pour  se  cacher  de  la  presence  de  Dieu,  et  aussi  l'effacer  de  leur  coeur:  mais  bon  gré  maugré  ils  se  trouvent  enveloppez  pour  n'en  pouvoir  sortir.  Et  encores  que  pour  peu  de  temps  il  semble  bien  que  tout  s'esvanouisse,  si  faut-il  d'heure  en  heure  revenir  à  conte,  pource  que  la  maiesté  de  Dieu  en  se  faisant  sentir,  leur  dresse  nouveaux  alarmes:  en  sorte  que  s'ils  ont  quelque  relasche  de  leurs  anguoisses,  c'est  comme  le  dormir  des  yvrongnes  ou  des  phrenetiques,  qui  mesmes  en  dormant  ne  reposent  point  paisiblement,  pource  qu'ils  sont  assi-