29:49  49  SUR  LE  DEUTER.  CHAP.  XXXII.  50  de  desployer  les  thresors  de  sa  bonte  infinie  envers  nous.  Or  pour  confermer  ceste  doctrine  Moyse  adiouste:  La  vengeance  est  mienne,  et  la  retribution  en  temps  opportun,  leur  pied  glisser  a,  le  iour  de  leur  perdition  est  prochain,  le  temps  se  haste  de  venir.  Nous  voyons  maintenant  que  Moyse  n'a  point  parle  des  fautes  simplement,  quand  il  dit  :  Ceci  est  cache  en  mes  thresors:  mais  il  veut  aussi  adiouster  les  corrections  que  Dieu  envoye  sur  ceux  qui  l'ont  par  trop  offense,  et  monstrer  qu'il  a  des  moyens  pour  les  punir,  qui  sont  incogneus  aux  hommes,  et  lesquels  les  estonnent,  quand  ils  sont  avenus.  Il  dit  suyvant  cela,  que  la  vengeance  est  sienne.  Comme  s'il  disoit:  Qui  m'estimez-vous  ?  car  vous  m'appellez  Dieu,  et  cependant  vous  ne  cognoissez  pas  que  ie  suis  iuge  du  monde:  et  c'est  me  despouiller  de  ma  gloire,  et  de  ma  maieste.  Et  de  faict,  quelle  est  l'essence  de  Dieu,  sinon  apres  que  les  hommes  auront  vescu  en  ce  monde,  qu'ils  viennent  a  conte  devant  luy,  et  qu'il  soit  leur  iuge?  Si  nous  eschappions  la  main  de  Dieu,  que  les  fautes  demeurassent  impunies,  qu'un  chacun  fust  desborde  a  son  appettit,  et  que  Dieu  eust  cependant  les  yeux  clos,  que  seroit-ce?  N'en  ferions-nous  pas  comme  une  idole  morte?  Il  est  certain.  Ici  donc  Dieu  s'attribue  l'office  de  venger  :  comme  s'il  disoit  :  Ne  pensez  pas  que  mon  essence  divine,  ni  que  ce  Nom  de  Dieu  consiste  en  ie  ne  say  quoy  d'oisif  :  mais  c'est  que  ie  gouverne  le  monde  par  ma  vertu,  que  tout  est  conduit  par  ma  sagesse:  et  puis  que  ma  iustice  regne,  et  que  i'ay  l'empire  du  monde,  tellement  qu'il  faut  que  tout  vienne  a  conte  devant  moy,  que  ceux  qui  m'ont  servi  et  honore  n'ayent  point  perdu  leur  peine:  que  les  meschans  qui  n'ont  cesse  de  violer  tout  ordre,  de  me  despitter,  que  ceux-la  aussi  soyent  rengez.  Voila  comme  ie  seray  cogneu  Dieu,  quand  vous  sentirez  de  ma  sagesse,  et  vertu,  et  iustice  ce  qu'il  appartient.  Or  donc  la  vengeance  est  mienne  (dit-il)  c'est  a  dire,  ie  suis  iuge:  et  ne  vous  y  abusez  point.  Il  semble  bien  de  prime  face  que  Moyse  ne  dise  rien  qui  ne  soit  cogneu  et  confesse  de  tous:  car  qui  est-ce  qui  niera  que  Dieu  ne  soit  Iuge?  Mais  cependant  (comme  i'ay  dit)  apres  l'avoir  confesse  en  general,  chacun  s'entortille  en  ses  phantasies:  Et  n'y  pensons  point,  quand  ce  vient  a  offenser  Dieu,  nous  n'en  tenons  conte,  ce  nous  est  tout  un,  il  y  a  une  hardiesse  comme  phrenetique.  Ne  fautil  pas  que  la  cognoissance  que  nous  avions  eu  soit  comme  assoupie?  Or  donc  pource  que  les  hommes  s'abusent  ainsi  a  leur  escient,  et  qu'ils  se  destournent  de  ceste  doctrine,  c'est  assavoir  que  Dieu  est  iuge  du  monde:  voila  pourquoy  il  a  ici  ramentu,  que  la  vengeance  est  sienne,  et  qu'il  n'oubliera  pas  a  faire  ce  qui  est  de  son  office.  Or  nous  voyons  a  quel  propos  Moyse  a  use  de  ceste  doctrine:  mais  cependant  Calvini  opera.  Vol.  XXIX.