28:49  49  SUR  LE  DEUTER.  CHAP.  XXII.  5a  riage  n'est-il  pas  plus  qu'un  contract  de  cent  escus,  ne  d'une  maison,  ou  d'une  vigne?  Il  est  question  de  la  compagnie  de  deux  creatures  humaines,  compagnie  a  vie  et  a  mort,  il  est  question  d'un  lien  que  Dieu  a  dedie  entre  nous,  voire  afin  que  toute  confusion  soit  ostee  de  ce  monde,  et  que  nous  ne  soyons  pas  semblables  a  bestes  brutes,  nous  meslant  ensemble  sans  discretion:  mais  que  l'homme  ait  sa  femme,  et  la  femme  son  mari.  Et  si  cela  est  viole  et  aboli,  tout  ordre  de  nature  est  corrompu.  Si  on  fait  du  borgne  et  de  l'aveugle  pour  laisser  couler  tout  cela,  ne  nous  abusons  point  pourtant:  car  Dieu  en  fera  une  horrible  vengeance*  Et  nous  voyons  que  ce  n'est  point  sans  cause  que  Dieu  a  puni  si  griefvement  les  paillardises  entre  celles  qui  desia  avoyent  promis  ou  fiance  mari.  Si  cela  est,  que  sera-ce  d'une  femme  espousee?  Car  elle  est  donnee  au  mari  pour  luy  aider  a  gouverner  une  maison  au  nom  de  Dieu:  et  quand  elle  s'abandonne  ainsi  villainement  a  paillardise,  non  seulement  elle  desrobe  l'honneur  de  son  mari  et  luy  fait  outrage:  mais  elle  desrobe  aussi  le  nom  de  la  famille.  Car  elle  aura  son  paillard,  et  les  enfans  qui  en  seront  venus,  ils  porteront  le  nom  du  mari.  Et  puis,  le  bien  et  la  substance  est  ravie  aux  enfans  legitimes:  voila  des  bastards  qui  ont  ce  qui  ne  leur  appartient  point.  Et  ne  voit-on  pas  que  c'est  une  confusion  beaucoup  plus  meschante  que  si  on  avoit  rompu  et  huis  et  coffres,  qu'on  eust  crochette  et  pille  tout,  qu'on  eust  fait  des  volieries  les  plus  excessives  du  monde?  Il  est  certain  que  cela  doit  estre  moins  souffert.  Et  les  Payens  l'ont  bien  cogneu.  Si  nous  n'avions  sinon  la  Loy  de  Moyse,  desia  nous  devrions  avoir  grande  honte,  quand  auiourd'huy  les  adulteres  sont  ainsi  pardonnez,  et  qu'on  en  tient  si  peu  de  conte.  Mais  quand  les  Payens  nous  monstrent  nostre  lecon,  et  qu'ils  ont  use  de  meilleur  ordre  beaucoup  que  ne  font  ceux  qui  s'appellent  auiourd'huy  Chrestiens,  ie  vous  prie,  quel  tesmoignage  sera-ce  au  dernier  iour  contre  nous?  Les  aveugles  ont  veu  plus  clair  que  nous  ne  faisons  pas.  Les  Chrestiens  diront  tous  les  coups,  que  Iesus  Christ  a  apporte  une  vraye  declaration  de  la  Loy,  afin  que  nous  sachions  que  c'est  nostre  sainctete  parfaite  que  ce  qui  est  la  contenu.  Il  est  vray  qu'il  n'y  a  rien  adiouste.  Mais  tant  y  a  que  nous  devons  estre  enseignez  plus  amplement  que  les  Peres  qui  ont  vescu  devant  l'Evangile.  Et  comment  y  avons-nous  profite?  Auiourd'huy  on  ne  tiendra  conte  des  adulteres.  Voila  un  mariage  rompu,  la  foy  sera  falsifiee,  et  on  coule  tout  cela.  Et  ou  pensons-nous  estre?  Et  si  on  allegue  des  subterfuges,  pour  dire:  O  voila,  nostre  infirmite  est  telle:  quand  nous  viendrons  devant  Dieu,  cuidons-nous  que  tout  cela  soit  advoue?  N'a-ii  pas  tousiours  son  mot  irrevocable,  Calvini  opera.  Vol  XXVIII.