27:49  49  SUR  LE  DEUTER.  CHAP.  X.  50  aurez  la  Circoncision  en  vostre  corps,  que  ce  soit  tout  :  car  Dieu  vous  a  donne  le  signe  pour  un  aide  de  vostre  infirmite,  mais  si  est-ce  qu'il  vous  a  voulu  conduire  plus  loin:  c'est  assavoir  que  vous  soyez  amenez  a.  une  droite  repentance:  car  quand  vous  aurez  cogneu  que  tout  ce  qui  est  de  vostre  nature  n'apporte  que  malediction,  vous  verrez  qu'il  faut  que  tout  cela  soit  aneanti.  Pensez  donc  a  vous  mortifier:  comme  s'il  disoit  en  somme:  La  circoncision  ne  gist  point  au  dehors,  mais  la  verite  en  est  au  dedans:  il  faut  que  vos  coeurs  soyent  circoncis.  Par  cela  Moyse  n'entend  pas  de  condamner  le  signe:  mais  ii  en  monstre  le  vray  usage  qui  avoit  este  corrompu  par  la  superstition,  et  l'hypocrisie  aussi  du  peuple.  Comme  mesmes  quand  Ioel  dit:  Rompez  vos  coeurs,  et  non  pas  vos  accoustremens:  il  n'entend  pas  que  les  hommes  n'ayent  plus  nul  signe  de  repentance  pour  s'humilier  devant  Dieu:  mais  il  monstre  que  tout  ce  qu'on  faisoit  quant  au  signe  exterieur,  comme  se  tirer  les  cheveux,  de  plorer  beaucoup,  de  frapper  sa  poictrine,  et  monstrer  en  tous  gestes  qu'on  estoit  confus  devant  Dieu,  et  comme  desespere,  que  ce  n'estoit  rien  de  tout  cela,  sinon  que  ie  coeur  fust  rompu  auparavant.  Ainsi  la  Circoncision  est  inutile,  sinon  que  le  coeur  soit  circonci  avec  le  corps.  Nous  voyons  donc  maintenant  l'intention  de  Moyse:  mais  cela  nous  sera  plus  clair,  et  plus  facile  quand  nous  viendrons  a  nostre  Baptesme.  Nous  avons  desia  touche  la  similitude  qui  est  entre  ces  deux  Sacremens  :  c'est  autant  comme  si  auiourd'huy  on  nous  disoit  :  Que  vous  soyez  baptisez  en  vos  ames,  si  vous  desirez  que  Dieu  vous  advoue  pour  son  peuple,  et  pour  son  heritage.  Et  comment  baptisez  en  vos  ames?  Voire.  Car  l'eau  qu'on  nous  met  sur  le  corps,  n'est  rien,  sinon  que  nous  ayons  la  verite,  c'est  assavoir  que  nous  soyons  tellement  plongez  sous  l'eau,  que  nous  soyons  comme  en  un  sepulchre,  c'est  a  dire,  que  cela  nous  face  mourir  en  nous-mesmes,  tellement  que  nos  affections  ne  dominent  plus  en  nous,  ni  nos  pensees,  nostre  sens,  nostre  raison,  et  prudence  :  mais  que  nous  souffrions  d'estre  gouvernez  de  Dieu,  que  toutes  nos  cupiditez  charnelles  soyent  assuietties,  et  tenues  captivos  sous  luy,  et  sous  son  ioug.  Quand  donc  on  nous  voudra  monstrer  la  verite  de  nostre  Baptesme,  on  dira:  Advisez  d'estre  baptisez  au  dedans.  Et  voila  pourquoy  aussi  sainct  Paul  au  2.  des  Romains  met  une  distinction  entre  la  Circoncision  de  la  lettre,  et  de  l'esprit:  et  il  dit  que  l'une  est  au  dedans,  et  l'autre  au  dehors.  Quand  il  dit:  La  circoncision  de  la  lettre,  c'est  par  similitude  :  car  il  regarde  a  la  parolle.  De  quoy  nous  servira-il  qu'on  nous  face  lecture  de  la  Loy  de  Dieu,  et  de  l'Evangile,  sinon  qu'elle  nous  touche  au  dedans  ?  ou  bien  quand  nous  aurons  chacun  sa  Bible  en  escrit,  et  que  nous  la  Calvini  opera.  Vol  XXVII.