26:49  49  SUR  LE  DEUTER.  CHAP.  II.  50  servir  et  honorer.  Et  pour  le  second,  que  comme  Moyse  a  parle  a  ce  peuple  d'Israel,  qu'il  parle  auiourd'huy  a  nous.  Car  nous  avons  besoin  qu'on  nous  reduise  en  memoire  les  graces  et  benefices  de  Dieu,  afin  que  nous  soyons  tant  plus  incitez  a  magnifier  son  nom,  pour  nous  addonner  du  tout  a  luy:  que  nous  ne  mettions  iamais  en  oubli  ses  graces,  afin  de  ne  nous  point  desborder.  Car  nous  voyons  comme  les  hommes  s'enyvrent  aisement,  et  sur  tout  quand  Dieu  se  monstre  propice  envers  eux:  d'autant  que  nous  sommes  traittez  humainement  de  nostre  Dieu,  il  semble  que  nous  conspirions  a  le  delaisser,  et  a  le  mescognoistre.  Et  de  faict,  ce  proverbe  qui  est  commun  entre  les  hommes,  se  pratique  par  trop:  Que  nous  ne  pouvons  porter  nos  aises.  Et  ainsi  il  nous  est  utile  qu'on  nous  ramentoive  les  graces  de  Dieu,  que  la  memoire  nous  en  soit  rafreschie.  Et  pourquoy?  Afin  que  nous  soyons  retenus  en  sa  crainte,  et  en  son  service,  et  que  nous  prenions  courage  de  nous  tenir  du  tout  en  sa  suiection,  cognoissans  que  c'est  nostre  souverain  bien:  et  puis  qu'il  ne  delaisse  iamais  ses  fideles,  et  ceux  qui  s'appuyent  sur  luy,  que  nous  souffrions  qu'il  nous  soit  protecteur,  et  que  nous  ne  facions  point  des  chevaux  eschappez  pour  estre  delaissez  de  luy  au  besoin.  Voila  donc  comme  ceste  remonstrance  s'addresse  auiourd'huy  a  nous.  Quant  a  ce  qui  est  dit  que  Dieu  avoit  livre  Sehon  devant  eux,  c'est  pour  mieux  exprimer,  d'autant  que  la  victoire  leur  a  este  facile,  que  Dieu  a  donne  lustre  a  sa  grace,  comme  nous  avons  veu  desia  par  ci  devant.  Ie  note  ceci  en  bref,  afin  que  ce  passage  soit  compare  a  l'autre  que  nous  avons  desia  veu  et  expose.  Si  le  peuple  d'Israel  avec  grande  difficulte  eust  vaincu  ses  ennemis:  il  eust  peu  attribuer  cela  a  sa  force.  O  nous  avons  bien  bataille.  O  il  y  a  eu  grande  prouesse  en  nous:  car  nos  ennemis  estoyent  vaillans.  Mais  quand  leurs  ennemis  ont  este  poussez  ainsi  que  la  paille  au  vent,  et  que  ceux  qui  au  paravant  estoyent  forts  et  robustes  sont  effrayez,  qu'ils  ont  courage  de  femmes,  qu'ils  s'effarouchent  du  premier  coup,  et  deffaillent,  tellement  qu'il  n'est  question  que  de  frapper  sur  eux,  tellement  que  le  peuple  se  lasse  a  tuer  ceux  qui  les  eussent  engloutis.  Quand  cela  se  fait,  que  peut-on  dire,  sinon  que  Dieu  a  livre  les  ennemis  de  ce  peuple,  c'est  a  dire,  qu'il  les  a  la  amenez  comme  pour  en  faire  la  vengeance?  Voila  donc  qu'emporte  ceste  facon  de  parler  de  Moyse,  c'est  qu'elle  amplifie  la  grace  de  Dieu,  afin  qu'elle  soit  mieux  cogneue  des  enfans  d'Israel.  Or  touchant  de  ce  qui  est  dit  :  Que  tout  a  este  mis  a  mort  iusques  aux  petis  enfans:  de  prime  face  on  pourroit  attribuer  ceci  a  cruaute,  que  les  enfans  d'Israel  n'ayent  pas  mesmes  espargne  les  petis  enfans.  Et  ou  est-ce  aller?  Car  si  le  Roy  et  les  hommes  avoyent  este  si  pervers  de  Calvini  opera.  Vol  XXVI.