24:49  49  COMMENTARIUS  IN  EXODI  CAP.  IV.  50  autem  hic  continet  uberem  amplamque  doctrinam  :  quoties  in  nos  atrociter  homines  saeviunt,  non  sine  Dei  consilio  hoc  accidere,  quia  momento  mansuefacere  eos  posset:  dare  igitur  licentiam  eorum  saevitiae  quia  ad  nos  castigandos  vel  humiliandos  ita  expedit.  Kursum  hinc  colligimus  nullos  esse  nobis  hostes  tam  immanes  et  barbaros,  quorum  ferociam  cicurare  Deo  facile  non  sit  ac  promptum.  Hoc  si  nobis  vere  persuasum  esset,  arcano  Dei  instinctu  huc  et  illuc  verti  hominum  corda,  non  ita  expavesceremus  ad  eorum  odia,  minas  et  terrores,  nec  eorum  metu  tam  leviter  ab  officio  deflecteremus.  Atque  haec  trepidatio  iusta  est  incredulitatis  merces,  ubi  in  Dei  providentia  non  quiescimus.  Etsi  autem  nostrarum  partium  est  dare  operam  ut  comiter  nobis  omnium  gratiam  conciliemus,  sciendum  tamen  est,  nostra  industria  non  conciliari  favorem,  nisi  Deus  corda  inclinet.  22.  Et  postulabit  mulier.  Quibus  videtur  haec  ditandi  populi  ratio  iustitiae  Dei  parum  consentanea,  parum  ipsi  considerant  quam  late  pateat  iustitia  de  qua  loquuntur.  Fateor  eius  esse  proprium,  tueri  ius  suum  cuique,  prohibere  furta,  damnare  fraudes  et  rapinas.  Sed  videamus  quidnam  sit  cuiusque.  Quis  suum  esse  iactabit  nisi  quod  a  Deo  datum  est?  et  quidem  ut  precario  possideant  singuli  quod  Deo  placet,  cui  liberum  est  singulis  momentis  auferre  quod  dedit.  Spoliarunt  Hebraei  Aegyptios:  si  hi  querantur  factam  sibi  iniuriam,  expostulent  cum  Deo  quod  sua  beneficia  ab  ipsis  ad  alios  transtulerit.  Audiendane  erit  haec  querimonia,  Deum,  in  cuius  manu  sunt  fines  terrae,  qui  pro  imperio  gentibus  fines  terminat,  qui  reges  ad  inopiam  redigit,  privasse  quosdam  homines  supellectile  et  vasis?  Affertur  a  quibusdam  alia  defensio,  quod  nihil  alienum  rapuerint  Hebraei,  sed  debitam  sibi  mercedem  acceperint:  quia  inique  adacti  fuerant  ad  operas  serviles,  et  tenuiter  victitaverant  de  suo.  Et  certe  aequum  fuit  aliquo  pretio  eorum  laborem  pensari.  Sed  nihil  opus  est  ex  lege  communi  aestimare  Dei  iudicium,  quando  iam  visum  est  ipsius  esse  omnes  mundi  copias,  ut  singulis  eroget  quantum  libuerit.  Neque  tamen  hoc  modo  eum  facio  exlegem,  etsi  supra  omnes  leges  eminet  eius  potestas,  quia  tamen  voluntas  eius  certissima  est  perfectae  aequitatis  regula,  rectissimum  est  quidquid  facit:  atque  ideo  legibus  solutus  est,  quia  ipse  sibi  et  omnibus  lex  est.  Neque  etiam  simpliciter  dico  cum  Augustino,  mandatum  Dei  esse  de  quo  non  est  iudicandum,  sed  cui  est  obtemperandum,  quia  novit  quam  iuste  mandet:  servi  autem  est  obedienter  facere  quidquid  mandat.  Vere  quidem  hoc  dicitur,  sed  tenendum  est  illud  altius  principium,  quum  sola  Dei  liberalitate  singuli  possideant  quod  suum  vocant,  nullum  esse  iustiorem  possidendi  titulum  quam  ex  eius  donatione  Non  dicemus  ergo  prae-  Cdlvini  opera.  Vol  XXIV.