23:49  49  COMMENTARIUS  IN  GENESIN.  50  tanquam  ex  eo  sumpta.  Quod  si  duo  sexus  ex  diversis  principiis  fluxissent,  occasio  fuisset  vel  mutui  contemptus,  vel  invidiae,  vel  rixarum.  Et  quid  habent  protervi  homines  quod  obstrepant?  Credibilis  non  videtur  narratio:  quoniam  a  consuetudine  abhorret.  Quasi  vero  plus  coloris  haberet,  ex  putrido  semine  quotidie  gigni  homines,  nisi  usu  et  experimento  notum  esset.  Sed  obiiciunt,  vel  supervacuam  fuisse  costam  quae  Adae  fuit  detracta,  vel  costae  absentia  corpus  eius  fuisse  mutilum.  Utrumvis  respondeatur,  magnam  absurditatem  reperiunt.  At  vero  si  dicamus  praeparatam  fuisse  a  mundi  opifice  costam,  ex  qua  alterum  corpus  formaret,  nihil  in  hoc  responso  non  consentaneum  divinae  providentiae  reperio.  Quanquam  diversa  coniectura  magis  arridet,  fuisse  Adae  aliquid  detractum,  ut  maiore  benevolentia  partem  sui  complecteretur.  Perdidit  igitur  costam  unam:  sed  pro  qua  illi  reddita  fuit  longe  uberior  merces,  dum  nactus  est  fidelem  vitae  sociam:  imo  quum  se  integrum  vidit  in  uxore,  qui  prius  tantum  dimidius  erat.  Atque  in  eo  perspicimus  veram  nostrae  cum  Filio  Dei  unitatis  effigiem:  nam  et  ille  debilis  factus  est,  ut  membra  haberet  virtute  praedita.  Interim  notandum,  Adam  profundo  sopore  fuisse  demersum,  ut  nihil  doloris  sentiret:  deinde  nec  violentam  fuisse  rupturam,  nec  ex  costa  amissa  sensisse  quidquam  iacturae  :  quia  Deus  vacuitatem  sic  carne  replevit,  ut  robur  etiam  sufficeret:  tantum  ablata  fuit  ossis  durities.  Consulto  etiam  usus  est  Moses  aedificandi  verbo,  ut  doceret  in  mulieris  persona  tandem  absolutum  fuisse  humanum  genus,  quod  prius  inchoato  aedificio  simile  erat.  Alii  ad  oeconomiam  referunt  :  ac  si  dicere  vellet  Moses,  tunc  compositum  fuisse  legitimum  familiae  ordinem:  quod  non  longe  a  priore  expositione  recedit.  22.  Et  adduxit.  Iam  narrat  Moses  institutum  fuisse  divinitus  coniugium  :  quod  in  primis  utile  est  cognitu.  Nam  quum  sibi  Adam  proprio  arbitrio  non  sumpserit  uxorem,  sed  oblatam  a  Domino  sibique  addictam  acceperit:  hinc  melius  apparet  coniugii  sanctitas,  quia  Deum  scimus  esse  eius  au  torem.  Quo  pluribus  modis  conatus  est  Satan  coniugium  foedare,  eo  magis  ab  omni  contumelia  et  probro  illud  asseramus,  ut  suam  reverentiam  obtineat.  Inde  enim  fiet  ut  vitam  coniugalem  bona  et  tranquilla  conscientia  colant  filii  Dei:  et  caste  honesteque  mariti  et  uxores  inter  se  versentur.  Duplex  in  captanda  coniugii  infamia  Satanae  artificium  fuit:  ut  illius  odio  pestiferam  caelibatus  legem  inveheret,  deinde  ut  quidvis  licentiae  sibi  permitterent  coniuges.  Ergo  ostensa  coniugii  dignitate,  tollenda  est  superstitio  :  ne  impediat  quominus  legitima  puraque  Dei  ordinatione  pure  utantur  fideles:  deinde  obviam  eundum  est  carnis  lasciviae,  ut  pudice  cum  uxoribus  habitent  mariti.  Quod  si  Calvini  opera.  Vol  XXIII.