22:49  49  INSTRUCTION  ET  CONFESSION  DE  FOY.  50  en  lactente  du  iour  du  Seigneur.  Car  il  est  celluy  qui  testifie  a  nostre  esperit  que  Dieu  est  nostre  Pere  et  que  pareillement  nous  sommes  ses  enfans  (Rom.  8).  Que  nous  sommes  iustifiez  en  Christ  par  foy.  Puis  quil  est  manifeste  que  Christ  est  le  perpetuel  obiect  de  la  foy,  nous  ne  povons  autrement  cognoistre  que  cest  que  nous  recevons  par  la  foy  sinon  que  nous  regardions  en  luy.  Or  il  nous  a  pourtant  este  donne  du  Pere  affin  que  nous  obtenions  en  luy  vie  eternelle,  comme  il  dict  (Ieh.  17)  ce  estre  la  vie  eternelle  que  cognoistre  un  Dieu  le  Pere  et  celluy  quil  a  envoye  Iesus  Christ.  Et  derechief  (Iehan  l  l  )  :  Qui  croira  en  moy  iamais  ne  mourra,  et  sil  est  mort  il  vivra.  Toutesfois  affin  que  cecy  se  face  ii  fault  que  nous  qui  sommes  contaminez  de  taches  de  peche  soions  nectoiez  en  luy,  car  rien  de  souille  nentrera  au  royaume  de  Dieu.  Il  nous  faict  doncques  ainsi  participans  de  soy,  affin  que  nous  qui  sommes  en  nous  pecheurs  soyons  par  sa  iustice  reputez  iustes  devant  le  throsne  de  Dieu.  Et  en  ceste  maniere  estans  despouillez  de  nostre  propre  iustice  nous  sommes  vestuz  de  la  iustice  de  Christ,  et  estans  iniustes  par  noz  oeuvres  nous  sommes  iustifiez  par  la  foy  de  Christ.  Car  nous  sommes  dictz  estre  iustifiez  par  foy,  non  pas  que  nous  recevions  dedans  nous  quelque  iustice,  mais  parce  que  la  iustice  de  Christ  nous  est  attribuee  tout  ainsi  que  si  elle  estoit  nostre,  nostre  propre  iniquite  ne  nous  estant  point  imputee.  Tellement  quon  peult  en  un  mot  vrayement  appeller  ceste  iustice  la  remission  des  pechez:  ce  que  lapostre  deciaire  evidemment  quand  souventesfois  il  compare  la  iustice  des  oeuvres  avec  la  iustice  de  la  foy  et  enseigne  lune  estre  destruicte  par  lautre  (Rom.  10,  Philip.  3).  Or  nous  verrons  au  Symbole  par  quelle  maniere  Christ  nous  a  merite  ceste  iustice  et  en  quoy42)  elle  gist,  auquel  symbole  toutes  les  choses  sur  lesquelles  nostre  foy  est  fondee  et  appuyee  sont  recitees  par  ordre.  Que  par  la  foy  nous  sommes  sainctifiez  pour  obeir  a  la  Loy.  Comme  Christ  par  sa  iustice  intercede  pour  nous  envers  le  Pere,  affin  que  luy  estant  comme  nostre  pleige  nous  soions  reputez  pour  iustes,  ainsi  par  la  participation  de  son  esperit  il  nous  sanctifie  a  toute  purete  et  innocence.  Car  lesperit  du  Seig-  42)  quibus  partibus.  Calvini  opera.  Vol  XXII.