1:49  [CO  1.  49]  stram  induimus,  et  sane  pro  nostra  nobis  a  Deo  accepta  fertur,  ut  pro  sanctis,  puris  et  innocentibus  nos  habeat.  Ita  impletur  quod  ait  Paulus  (1  Cor.  1):  Christum  nobis  factum  esse  iustitiam,  sanctificationem,  et  redemptionem.  Nam  primum  quidem  misericors  Dominus  pro  sua  bonitate  ac  gratuita  voluntate,  nos  clementer  in  gratiam  recipit, [p. 87]  peccata  nobis  remittens  ac  condonans,  quae  iram  [OS  61]  merebantur  et  aeternam  mortem  (Rom.  5.  6).  Deinde  per  gratias  sancti  sui  spiritus  in  nobis  habitat  ac  regnat,  per  quem  concupiscentiae  carnis  nostrae  in  dies  magis  ac  magis  mortificantur;  nos  vero  sanctificamur,  hoc  est,  consecramur  Domino  in  omnem  vitae  puritatem,  cordibus  nostris  in  obsequium  legis  formatis,  ut  haec  sit  una  nostra  voluntas,  voluntati  eius  servire  ac  eius  duntaxat  gloriam  modis  omnibus  provehere,  oderimusque  quod  in  nobis  sordium  carnis  nostrae  residet.  Tum  postremo,  etiam  dum  sancti  spiritus  ductu  in  viis  Domini  ambulamus,  ne  tamen  nostri  obliti  animos  tollamus,  remanet  quiddam  in  nobis  imperfectum,  quod  nobis  humilitatis  argumentum  praebeat,  quo  omne  os  coram  Deo  obstruatur,  discamusque  fiduciam  omnem  a  nobis  in  illum  semper  traducere  (Rom.  7).  Itaque  nobis  semper  peccatorum  remissione  opus  est.  Quam  ob  rem  illa  etiam  ipsa  opera,  quae  a  nobis  fiunt  dum  in  viis  Domini  currimus,  etsi  Deo  placent  quatenus  in  fide  fiunt,  non  tamen  ex  se  nos  Deo  acceptos  gratiososque  reddere  possunt;  verum  iustitiam  Christi,  quae  una  ut  perfecta  est,  ita  sola  Dei  conspectum  sustinere  potest,  pro  nobis  sisti  oportet  ac  iudicio  repraesentari  velut  sponsorem  (Hebr.  11.  Rom.  8).  Ipsa  vero  a  Deo [p. 88]  accepta  fertur  ac  nobis  imputatur,  perinde  ac  si  nostra  esset.  Ita  in  fide  peccatorum  remissionem  subinde  atque  assidue  obtinemus,  nullaeque  nostrae  sordes  aut  immunditiae  imperfectionis  imputantur,  sed  illa  puritate  Christi  ac  perfectione  velut  sepultae  conteguntur,  ne  in  iudicium  Dei  veniant,  donec  hora  advenit  qua  confecto  in  nobis  ac  plane  extincto  veteri  homine,  divina  bonitas  nos  in  beatam  pacem  cum  novo  Adam,  qui  Christus  est,  recipit  (1  Cor.  15).  Ubi  diem  Domini  expectemus,  quo  in  gloriam  coelestis  regni,  receptis  incorruptis  corporibus,  transferemur.  Ex  his  colligi  potest,  quale  officium  et  quis  sit  usus  legis.  Tribus  autem  partibus  continetur.  Primum,  ut  dum  iustitiam  Dei  ostendit,  hoc  est,  quam  a  nobis  Deus  exigit,  suae  unumquemque  iniustitiae  admoneat,  ac  peccati  convincat.  Sic  enim  opus  est,  ut,  quoniam  omnes  simul  homines,  nisi  eorum  vanitatem  Dominus  arguat,  insana  virium  suarum  fiducia  inflati  sunt:  omissa  hac  stolida  suae  virtutis  opinione,  sola  Dei  manu  stare  se  et  consistere  intelligant.  Rursum,  quoniam  operum  suorum  iustitia  contra  Dei  gratiam  eriguntur,  hanc  [OS  62]  arrogantiam  deiici  et  confundi  decet,  ut  nudi  et  vacui  ad  miseri-  Calvini  opera.  Vol.  I.  4