9:489  489  CHRISTI  IN  COENA.  490  communicationis.  Unde  conficitur  verissime  ab  Augustino  esse  dictum:  Signa  illis  visibili  forma  fuisse  diversa,  non  autem  re.  Quanquam  simul  addo  modum  significandi  fuisse  diversum,  et  mensuram  gratiae  non  fuisse  aequalem:  quia  hodie  plenior  et  uberior,  adeoque  substantialis  Christi  communicatio  exhibetur.  Quod  autem  de  pignore,  non  dere,  sibi  mecum  litem  esse  dicit  Heshusius,  quid  hoc  sibi  velit  admonitos  volo  lectores.  Spiritualis  manducationis  fatetur  ipse  patres  ex  aequo  nobiscum  fuisse  participes:  ego  vero  pro  ratione  et  modo  dispensationis.  Interposito  autem  pignore  fidem  eorum  in  symbolis  confirmatam  fuisse  constat,  quatenus  ferebat  Christi  absentia.  Porro  nostra  quomodo  praesentem  offerant,  alibi  diximus:  non  loco  scilicet,  verum  quia  mortem  [pag.  47]  et  resurrectionem,  ubi  solida  est  salutis  plenitudo,  coram  repraesentant.  Interea  Heshusius  secum  pugnans,  improbat  quod  inter  fidem  et  manducationem  spiritualem  distinguo.  Si  ei  creditur,  inanis  est  argutia.  Adeo  nihil  praeterit,  quod  non  arrodat  vel  allatret.  Nam  hoc  modo  inanis  esset  argutia,  quum  Paulus  dicit  Christum  habitare  in  cordibus  nostris  per  fidem:  item,  nos  inseri  in  eius  corpus  :  cum  eo  et  crucifixos,  et  sepultos  esse  :  denique  nos  esse  ossa  ex  ossibus  eius,  et  carnem  ex  carne  eius,  ut  vita  eius  nostra  sit.  Haec  qui  non  videt  fructus  et  effectus  esse  fidei,  ideoque  a  fide  differre,  plus  quam  caecus  est.  Eiusdem  vero  caecitatis,  negare  hoc  inaestimabile  bonum  fide  nos  consequi,  ut  Christi  communicatio  nos  vivificet.  Sed  omnia  miscere  pro  nihilo  ducit:  modo  ne  fateri  cogatur,  extra  coenam  habere  fideles  quod  in  coena  ipsa  recipiunt.  Atqui  necesse  est,  inquit,  manducationem  ab  obsignatione  differre  :  nempe  sicuti  necesse  est  obsignationem  quao  fit  in  baptismo,  a  spirituali  lavacro  differre.  An  non  extra  baptismum  purgamur  Christi  sanguine?  An  non  spiritu  regeneramur?  Verum  in  subsidium  nostrae  infirmitatis  accedit  visibile  testimonium,  quod  rem  signatam  melius  sanciat.  Neque  id  modo,  sed  vere  etiam  et  plenius  conferat  quod  fide  evangelii  percipimus,  etiam  citra  externam  actionem.  Atque  hoc  etiam  loco  specimen  edit  maligni  pravique  ingenii,  dum  in  calumniam  rapere  audet  quod  in  Catechismo  doceo:  non  inutilem  esse  coenae  usum,  quia  plenius  illic  Christum  recipimus,  quia  iam  per  fidem  evangelii  ex  parte  noster  est,  ac  in  nobis  habitat.  Haec  doctrina,  si  Heshusio  creditur,  non  modo  putida  est  [pag.  48]  et  inepta,  sed  in  totum  ministerium  evangelii  contumeliosa.  Ergo  Paulum  blasphemiae  accuset,  qui  Christum  dicit  in  nobis  formari,  sicuti  foetus  in  utero.  Nota  sunt  verba  ad  Galatas:  Filioli,  quos  iterum  parturio,  donec  formetur  in  vobis  Christus  (Gal.  4,  19).  Cui  non  multum  absimile  quod  alibi  dicit:  Donec  crescatis  in  virum  perfectum,  in  mensuram