8:489  489  MICHAELIS  SERVETI.  490  addo,  alium  fuisse  a  patre:1)  quod  abs  te  negari  scio,  sed  parum  verecunde.  Λόγον  enim,  quem  Ioannes  Deum  praedicat,  testatur  apud  Deum  fuisse  ab  initio.  Et  Christus  ipse,  eadem  se  gloria  illustrari  in  carne  postulat  quam  habuerat  semper  apud  patrem.  Neque  hic  testimonia  colligere  propositum  est,  sed  haec  tantum  admonendi  causa  obiter  attingere  volui.  Nunquam  certe  efficies  quin  sermo  Dei  semper  fuerit  hypostasis  distincta,  et  natura  in  Dei  essentia  subsistens,  seu  quocunque  alio  nomine  appellare  libuerit.  Nam  de  vocabulis  litem  non  moveo.  Sermonem  illum  ex  Deo  ante  tempus  genitum,  dico  carnem  induisse,  ut  verus  sit  Deus  et  verus  homo:  ac  naturae  illius  divinae  respectu  appellari  Dei  filium.  Hoc  responsum  cum  priori  si  diligentius  paulo  expenderis,  habes  (nisi  fallor)  quo  tibi  satisfiat.  De  secunda  quaestione.  Regenerationem  negas  inchoari,  nisi  in  homine  [pag.  48]  doctrinae  capace.  Ego  autem  non  alligo  spiritum  Dei,  quin  suam  potentiam  ad  parvulos  quoque  extendat.  Video  in  Ioanne  Baptista  peculiarem  spiritus  effectum  antequam  per  aetatem  doctrinae  capax  esset.  Unum  hoc  specimen  nos  Dei  gratiam  ad  aetates  restringere  prohibeat.  Ego  autem  de  parvulis  nihil  memineram,  quia  non  arbitrabar  id  te  quaerere.  Nunc  demum  intellexi  quorsum  tenderes.  Respondeo  igitur,  locum  illum  intempestive  abs  te  citari,  quod  nos  renasci  oporteat  ex  aqua  et  spiritu  (Ioann.  3,  5).  Nihil  enim  hoc  ad  baptismum:  sed  metaphorice  nomen  aquae  spiritui  adscribitur,  quemadmodum  alibi  ignis.  Quid  est:  In  spiritu  sancto  et  igni  (Matth.  3,  l  l  )  nisi:  In  spiritu,  qui  idem  ignis  est?  Ergo  similiter:  Ex  aqua  et  spiritu,  interpretabimur:  Ex  aqua  mystica,  quae  nihil  aliud  est  quam  spiritus.2)  Et  tamen  non  video,  quid  vos  paedobaptismi  hostes  iuvet  locus  ille.  Nam  si  verba  urgeamus,  baptismus  praecedere  spiritus  gratiam  debebit.s)  Hoc  tamen  omitto,  quia  cavillis  non  delector.  Tantum  indicare  placuit,  me  illa  interpretatione  quam  posui  noluisse  quidquam  effugere  quod  mihi  obsit.  Nam  si  tibi  concessero,  ex  baptismo  et  spiritu  regenerari  homines:  nego  te  obtinere  quod  intendis,  baptismum  parvulorum  improbari.  Verba  enim  sensu  tuo  accepta  sonant,  baptismo  inchoari  palingenesiam,  spiritu  perfici.  Sed  aliam  fuisse  Christi  mentem  prorsus  agnosco:  ideo  frustra  mecum  hoc  telo  pugnas.  Sumis  confessionem  meam,  non  regenerari  parvulos  spiritu.  Atqui  perperam  ad  par-  1)  il  a  este  pour  lors  distingue  d'avec  son  Pere.  2)  Ergo  .  .  .  .  spiritus,  om.  Gallus.  3)  Add.  Ce  que  vous  niez.