6:489  REFORMANDAE  ECCLESIAE.  sumit.  Immane  quantum  haec  inter  se  differunt.  Praeterea  calicis  usum  reddidimus  populo,  qui  quum  illi  a  Domino  non  modo  permissus,  sed  commendatus  foret,  non  alio  sane  autore  quam  Satana  ablatus  fuit.  Ex  caeremoniis  multas  abdicavimus:  partim  quia  multitudo  praeter  modum  excreverat,  partim  quia  aliae  iudaismum  nimis  ^redolebant,  aliae,  ab  imperitis  hominibus  inventae,  tanti  mysterii  gravitati  parum  congruebant.  Verum  demus  nihil  aliud  fuisse  mali,  nisi  quod  temere  obrepserant:  an  non  fuit  satis  idonea  causa  cur  tollerentur,  quum  vulgus  hominum  in  illis  obstupescere  cerneremus?  xAd  transsubstantiationis  commentum,  ad  morem  item  custodiendi  et  gestandi  panis  damnandum,  maior  nos  impulit  necessitas.  Primum  repugnat  [pag.  60]  apertis  Christi  verbis:  deinde  a  perpetua  sacramentorum  abhorret  ratione.  Neque  enim  sacramentum  est,  ubi  non  conspicitur  visibile  symbolum,  quod  similitudinem  habeat  cum  spirituali  quam  figurat  veritate.  Et  de  coena  clarum  est,  quod  dicit  Paulus:  Nos  unum  esse  panem  et  unum  corpus  omnes,  qui  unius  panis  participes  sumus  (1  Cor.  10,  17).  Ubi  analogia  aut  similitudo  signi  visibilis  in  coena,  quae  corpori  et  sanguini  Domini  respondeat,  si  panis  non  est,  quo  vescimur,  neque  vinum,  quod  illic  bibitur,  sed  inane  modo  spectrum,  quod  oculos  ludat?  Adde,  quod  huic  commento  simul  continuo  adhaeret  deterior  superstitio,  ut  in  pane,  tanquam  in  Deo,  haereant  homines,  illumque  pro  Deo  adorent,  qualiter  videmus  fuisse  factum.  Nam  qiium  adminiculo  deberet  esse  sacramentum,  ad  erigendas  in  coelum  pias  mentes,  prorsus  in  contrarium  finem  sacris  coenae  symbolis  abusus  est  mundus,  ut  scilicet  illorum  aspectu  cultuque  contentus  mentem  ad  Christum  usque  non  attolleret.  Gestari  vero  panem  in  pompa,  aut  editiore  loco  reponi  ut  adoretur,  nimis  aliena  est  ab  institutione  Christi  corruptela.  Porrigit  enim  nobis  in  coena  Dominus  corpus  et  sanguinem  suum  :  sed  ut  edamus  et  bibamus.  Itaque  mandatum  priore  loco  ponit,  quo  iubet  accipere,  manducare,  bibere:  huic  deinde  subiungit  et  annectit  promissionem,  qua  testatur,  id  quod  edimus,  esse  corpus  suum:  quod  bibimus,  esse  suum  sanguinem.  Qui  igitur  panem  ad  cultum  vel  repositum  habent,  vel  circumferunt,  quum  promissionem  [pag.  61]  separent  a  mandato,  hoc  est,  iugum  insolubile  abrumpant,  Christi  quidem  corpus  imaginantur  se  habere,  sed  non  nisi  idolum  habent,  quod  sibi  ipsi  somniarunt.  Siquidem  non  ad  alios  pertinet  haec  Christi  promissio,  qua  nobis  sub  symbolis  panis  et  vini  corpus  et  sanguinem  suum  offert,  quam  ad  eos,  qui  sumunt  ex  eius  manu,  ut  mysterium  celebrent  quod  ipse  praecepit.  1)  Qui  vero  1)  praecepit,  qu'il  a  ordonne.  Gallasius  scripsit:  praecipit  quem  reliqui  sequuti  sunt.