55:489  489  EPIST.  IUDAE  490  ingressi  enim  sunt  quidam  homines,  olim  praescripti  in  hoc  iudicium,  impii,  Dei  nostri  gratiam  transferentes  in  lasciviam:  et  Deum,  qui  solus  est  herus,  et  Dominum  nostrum  Iesum  Christum  negantes.  3.  Quum  omne  studium.  2TCOU$Y]V  rcocoti|jievoc,  verti,  A  d  h  i  b  e  n  s  studium.  Ad  verbum  sonat,  facere  diligentiam.  Porro  sententiam  hano  multi  interpretes  ita  resolvunt,  quod  vehemens  studium  Iudam  ad  scribendum  compulerit.  Quemadmodum  dicere  solemus,  eos  qui  serio  aliquo  affectu  ardent,  sibi  non  posse  temperare.  Ergo  necessitas,  secundum  eos,  in  eo  fuit  quod  desiderium  scribendi  non  patiebatur  Iudam  silere.  Ego  autem  potius  duo  hic  membra  distincta  esse  puto,  quod  quum  alioqui  satis  propensus  et  sedulo  intentus  ad  scribendum  esset,  necessitas  etiam  eum  coegerit.  Significat  ergo  se  libenter  quidem  et  cupide  ad  eos  scribere:  sed  tamen  necessitate  etiam  urgeri  ut  id  faciat:  quia  scilicet  (ut  in  contextu  sequitur)  oppugnati  ab  improbis,  ad  pugnam  instruendi  erant.  Ergo  hoc  priore  loco  testatur  Iudas,  sibi  tantae  curae  esse  eorum  salutem,  ut  scribere  ultro  optarit,  et  quidem  studiose.  Deinde  ut  illorum  attentionem  excitet,  rem  simul  ita  postulasse  dicit.  Acres  enim  stimulos  admovet  necessitas.  Nisi  praemoniti  fuissent  quantopere  sibi  necessaria  esset  haec  cohortatio,  poterant  ad  legendum  esse  pigri  et  resides.  Quum  vero  ex  praesenti  eorum  necessitate  se  scribere  praefatur,  perinde  est  ac  si  classicum  caneret  excutiendo  torpori.  De  communi  salute.  Quidam  codices  addunt,  vestra:  sed  perperam,  meo  iudicio:  nam  communem  illis  secum  salutem  facit.  Atque  hoc  doctrinae,  quae  proferenda  est,  non  parum  addit  ponderis,  quum  quis  ex  proprio  sensu  et  experientia  loquitur.  Futilis  enim  erit  sermo,  si  de  salute  apud  alios  disseramus,  cuius  nullum  ipsi  habeamus  gustum.  Practicum  ergo  (ut  ita  loquar)  doctorem  se  profitetur  Iudas,  quum  in  eiusdem  salutis  consortium,  piorum  numero  se  aggregat.  Ad  vos  hortandos,  ete.  Ad  verbum  est:  Exhortans  vos:  sed  quum  finem  consilii  sui  notet,  ita  resolvi  debet  oratio.  Quod  transtuli,  f  i  d  em  cert  a  n  d  o  a  d  i  u  v  a  r  e  ,  tantundem  valet  atque  In  retinenda  fide  eniti,  et  contrarios  Satanae  insultus  fortiter  sustinere.  Monet  enim,  ut  in  fide  perstent,  obeunda  esse  varia  certamina,  ac  continuam  illis  militiam  instare.  Fidem  dicit  s  e  m  e  l  t  r  a  d  i  t  a  m  ,  ut  ipsam  sciant  hac  lege  se  esse  adeptos,  ne  unquam  deficiant  vel  excidant.  4.  Subingressi.  Tametsi  piis  semper  infestus  est  Satan,  eosque  subinde  lacessere  non  desinit:  eos  tamen  quibus  scribit,  de  praesenti  necessitate  admonet.  Nunc,  inquit,  peculiariter  vos  aggreditur  Satan  et  lacessit:  sumenda  igitur  arma  sunt  ad