40:489  489  IN  EZECHIELIS  PROPH.  CAP.  XX.  490  dulcedo  eos  non  attraxit  ad  obsequium  Dei,  hinc  apparet,  modis  omnibus  fuisse  refractarios.  Postea  sequitur,  16.  Propterea  quod  in  iudiciis  meis  spreverunt  (hoc  est,  spreverunt  iudicia  mea,  et  decreta  mea),  in  decretis  meis  non  ambularunt,  et  sabbata  mea  polluerunt  (violarunt,  profanarunt,  idem  est  verbum  bhri),  quia  post  idola  sua  (vel  spurcitias,  vel  sordes,  quemadmodum  alibi  diximus)  cor  eorum  ambulavit.  Ratio  iurisiurandi,  cuius  facta  fuit  mentio,  exprimitur  a  Mose,  quod  scilicet  falso  relatu  territi  voluerint  redire  in  Aegyptum:  hic  autem  causa  adscribitur  eorum  superstitionibus.  Sed  utrumque  non  male  convenit,  quia  si  ex  animo  fuissent  Deo  addicti,  nunquam  recusassent  castra  movere,  et  intrepide  pergere  quo  iubebat.  Quod  autem  tale  fastidium  terrae  ipsos  capit,  deinde  quod  terror  occupat  ipsorum  animos  et  desperatio,  ut  abiiciant  inaestimabile  Dei  beneficium,  hinc  certe  apparet,  nullam  viguisse  guttam  pietatis  in  ipsorum  cordibus.  Quanquam  ergo  specialis  illa  fuit  causa  cur  non  fuerint  ingressi  terram  Chanaan,  quod  Deo  vocanti  obsequi  renuerant:  tamen  simul  coniungit  propheta  eorum  superstitiones.  Nam  impietas  et  contemptus  Dei  in  causa  fuit  cur  tam  audacter  ac  superbe,  imo  furiose  reiicerent  Dei  gratiam,  et  vellent  etiam  Mosen  lapidare,  et  poenitentia  ducti  sese  hortarentur  ad  reditum,  ut  iterum  viverent  sub  tyrannide  aegyptiaca.  Videmus  ergo  ut  propheta  hic  generales  causas  sumat,  ex  quibus  fluxit  illud  impium  terrae  fastidium,  et  repulsa  gratiae  Dei.  Dicit  ergo,  propterea  quod  spreverunt  iudicia  mea,  neque  ambularunt  in  statutis  meis.  Hic  invertit  ordinem.  Prius  dixerat  non  ambulasse  in  statutis  suis,  sprevisse  iudicia  sua  :  nunc  vero  incipit  a  contemptu:  et  sabbata  mea  polluerunt,  quod  ipsorum  cor  incessit  post  eorum  idola.  Summa  est,  perfide  semper  egisse  cum  Deo:  et  quanquam  tenebant  quomodo  rite  colendus  esset,  tamen  semper  implicitos  fuisse  variis  superstitionibus:  sicuti  etiam  Stephanus  illis  exprobrat.  Consentit  enim  prorsus  cum  propheta  nostro.  Quod  autem  sabbata  plurali  numero  ponit,  non  ita  argute  'interpretor  ut  quidam,  quod  respexerit  propheta  ad  sabbatum  annorum,  postremo  ad  iubilaeum.  Nam  tria  fuerunt  sabbata  apud  Iudaeos.  Septimus  enim  quisque  dies  consecratus  fuit  Deo,  et  septimus  quisque  annus,  et  quinquagesimus.  Quanquam  autem  verum  est,  annos  fuisse  sabbatarios,  ut  dies,  tamen  non  puto  prophetam  ita  subtiliter  hic  distinguere:  sed  simpliciter  accipio  sabbata  pro  septimo  die.  Nunc  sequitur,