32:489  489  SUR  LE  PSEAUME  CXIX.  490  poursuyvre.  Comme  un  paillard,  il  ne  se  pourra  pas  iustifier  en  sa  meschancete:  non  fera  pas  un  larron,  un  blasphemateur,  un  yvrongue.  Tant  y  a  neantmoins  qu'ils  se  donnent  tousiours  conge  d'aller  de  mal  en  pis.  II.y  a  une  autre  facon  de  mal-faire  plus  dangereuse,  et  plus  a  craindre  beaucoup,  entant  qu'elle  est  plus  couverte:  c'est  ascavoir  quand  les  hommes  ne  se  cognoissent  point  pour  se  condamner,  et  qu'ils  n'estiment  poiu-t  aussi  qu'on  les  puisse  condamner,  qu'ils  auront  une  folle  opinion  qui  leur  bande  les  yeux.  Ceux-la  donc  (comme  font  tous  hypocrites)  se  pourront  bien  iustifier:  mais  tant  y  a  que  Dieu  les  condamne,  comme  nous  voyons  yci.  Ii  ne  reste  donc,  sinon  que  nous  ayons  la  Loy  de  Dieu  pour  toute  nostre  reigle:  car  sans  cela  il  faut  que  toute  nostre  vie  soit  dissolue,  qu'il  n'y  ait  que  confusion  et  ruine.  Il  est  dit  consequemment,  Que  Dieu  a  commande  qu'on  garde  diligemment  ses  statuts.  C'est  tousiours  ensuyvant  le  propos  que  David  a  tenu  car  il  est  bien  certain  que  Dieu  a  une  telle  solicitude  de  nostre  salut,  quil  le  procure,  et  l'avance  tant  que  nous  le  pouvons  souhaitter.  Or  s'il  y  a  telle  affection  en  Dieu,  et  qu'il  nous  porte  une  telle  amour:  cognoissons  que  quand  il  nous  commande  de  garder  ses  ordonnances  et  preceptes,  qu'en  cela  il  nous  signifie  que  c'est  tout  nostre  bien  et  felicite.  Et  qu'ainsi  soit,  Dieu  ne  nous  demande  point  a  son  service,  pource  que  il  ait  affaire  de  nous:  il  n'ha  ne  faute  n'indigence  des  creatures.  Quand  donc  nous  ne  ferons  pas  ce  qu'il  nous  commande,  nous  ne  pouvons  pas  apporter  ne  dommage  ne  profit  a.  nostre  Createur,  Qui  le  meut  donc  a  nous  soliciter  tant  comme  il  fait:  et  qu'il  nous  y  pieque,  et  pousse  a  garder  ses  commandemens?  Certes  puis  que  son  profit  ne  le  meine  point  a  telle  solicitude,  il  regarde  donc  a  nostre  salut.  Et  par  cela  nous  pouvons  conclurre,  qu'il  n'y  a  nul  autre  bien  que  nous  puissions  avoir,  sinon  de  cheminer  en  sa  Loy,  comme  il  a  este  dit.  Mais*  cependant  nous  voyons  quelle  est  l'ingratitude  des  hommes,  combien  elle  est  vileine  et  enorme:  car  Dieu  ne  nous  declare  pas  seulement  en  un  mot  ce  que  nous  avons  a  faire:  mais  il  use  d'une  doctrine  familiere  et  privee,  pour  nous  attirer  a  soy.  Et  puis  il  nous  exhorte,  d'autant  qu'il  voit  que  nous  sommes  froids  et  lasches.  Et  pour  cela  mesme  il  use  encores  de  diversite,  et  insiste  la  dessus,  afin  que  nous  ne  pretendions  nulle  excuse  d'ignorance,  quand  nous  n'aurons  point  suyvi  ce  qu'il"nous  monstre  par  sa  Loy:  mais  que  nous  soyons  convaincus  de  nostre  malice,  et  cognoissions  que  nous  sommes  bien  dignes  d'aller  en  ruine  et  perdition.  D'autant  plus  donc  nous  faut-il  bien  noter  ce  passage,  ou  il  nous  est  declare  que  les  hommes  n'auront  nulle  excuse,  quand  ils  se  desborderont  et  iront  chacun  selon  son  appetit:  veu  que