9:488  Aliquanto  etiam  magis  insipidum  [pag.  45]  ost  quod  dicit:  Nihil  nos  differre  a  patribus  quoad  manducationem  spiritualem:  quia  modus  vivificationis  unus  et  idem  est,  et  illi  tantundem  perceperunt  quantum  nos.  Quid  autem  paulo  ante  dixerat?  In  novo  testamento  non  umbrae  rerum  offeruntur,  sed  ipsa  veritas,  vera  iustitia,  lux,  vita,  verus  pontifex:  vero  et  non  typico  sanguine  stabilitur  hoc  testamentum,  et  placatur  ira  Dei.  Quid  spirituale  esse  iudicat,  nisi  veritatem,  et  veram  iustitiam,  lucem,  et  vitam?  Nunc  haec  omnia  vult  fuisse  communia  patribus:  quod  valde  absurdum  est,  si  propria  sunt  novi  testamenti.  Sed  ne  magis  refutando  adversario,  quam  docendis  lectoribus  intentus  esse  videar,  breviter  admoneo,  omnia  eum  pervertere,  dum  in  modo  manducationis  patres  nobis  aequat:  quibus  etsi  communis  nobis  fuit  Christus,  minime  tamen  aequalis  revelationis  mensura.  Alioqui  vanum  esset  illud:  Beati  oculi  qui  vident  quae  vos  videtis  (Matth.  13,  16):  Item.:  Lex  et  prophetae  usque  ad  Ioannem:  gratia  et  veritas  per  Christum  facta  est  (Ioann.  1,  17.  Matth,  l  l  ,  13).  Si  excipiat  ita  so  intelligere,  quaero  unde  spiritualis  manducatio?  Nam  si  fatetur  esse  a  fide,  manifestum  discrimen  apparet  in  ipsa  doctrina,  ex  qua  nascitur  fides.  Neque  enim  hic  agitur  quanta  sit  fides  in  singulis,  sed  qualis  fuerit  promissionum  ratio  sub  lege.  Quis  ergo  latratum  huius  canis  ferat,  dum  invidiam  nobis  conflare  ex  eo  conatur  quia  dicimus  maiorem  nunc  fidei  lucem  esse,  quam  in  veteri  populo?  Obiicit  Christum  conqueri:  Filius  hominis,  quum  veniet,  an  inveniet  fidem  in  terra  (Luc.  18,  8)?  Quorsum  hoc,  nisi  ut  hoc  praetextu  suam  incredulitatem  absolvi  velit?  Sit  sane  ita.  Non  inveniet  Christus  fidem  in  mille  Heshusiis,  neque  in  tota  illorum  caterva.  Ideone  falsum  [pag.  46]  erit  Ioannem  Baptistam  maiorem  esse  omnibus  prophetis:  ipso  autem  Ioanne  maiorem  esse,  qui  minimus  est  inter  evangelii  praecones  (Luc.  7,  28)?  Galatarum  fides  non  modo  exigua,  sed  proprie  suffocata  erat:  Paulus  tamen,  quum  prophetas  pueris  comparet,  dicit  Galatas  et  alios  fideles  iam  non  opus  habere  paedagogo,  quoniam  adoleverint  (Gal.  3,  25)?  nempe  doctrinae  et  sacramentorum  respectu,  non  autem  hominum.  Hoc  in  evangelio  profecit  haec  sericata  et  deaurata  simia,  ut  monachorum  1)  omnium  barbariem  superet.  Porro  in  esu  carnis  Christi  quomodo  potior  sit  nostra  quam  patrum  conditio,  pridem  exposui  decimo  capite  prioris  ad  Corinthios.  In  quo  tamen  ab  istis  longe  dissentio  qui  corporalem  manducationem  somniant.  Nam  etsi  ex  substantia  carnis,  quae  tunc  nondum  erat,  vita  inspirari  potuit,  ut  manducatio  vere  spiritualis  esset,  qualis  hodie  nobis  est:  pignus  tamen  illis  datum  fuit  eiusdem  1)  la  racaille  des  moynes.