8:488  eum  ratione  divinitatis  praedico  filium  Dei:  ratione  humanitatis,  filium  hominis.  Diversus  tamen  respectus  utriusque  naturae  non  facit  duos  filios  Dei.  Nam  totus  Christus,  quatenus  Deus  est  et  homo,  filius  Dei  est  ac  hominis.  Nam  ita  distinguimus  naturas,  ut  retineamus  personae  unitatem.  Similitudo  quam  adducis  merito  censeri  potest  gladius  quo  te  iugulas.  Alio  enim  respectu  patris  mei  sum  filius  quam  matris.  Neque  tamen  in  duos  homines  diffluo,  licet  duplici  relatione  bis  sim  filius.  Tametsi  hoc  simile  in  praesenti  causa  nequaquam  admitto.  Corpus  enim  a  patre  et  matre  habeo,  Christus  autem  a  sola  matre  corpus  habuit.  Aliud  est  quam  corpus,  quod  dicimus  a  Deo  fuisse  genitum.l)  Nunc  rogas  ut  te  vel  autoritate  vel  ratione  doceam,  deitatem  quae  in  Christo  est  esse,  filium.  Mihi  una  haec  ratio  sufficit,  quod  Deus  ab  initio  fidelium  pater  fuit,  ac  nominari  voluit.  Patrem  vero  hominum  esse  nego,  nisi  per  unicum  filium.  Inde  enim  nos  adoptione  filii,  quia  ille  natura.  Si  ad  vulgare  illud  tuum  asylum  confugis,  praedestinatione  olim  fuisse  filium,  qui  re  ipsa  non  erat:  rursus  excipio,  patris  appellationem  fuisse  ante  revelatam  mundo,  et  realiter  exhibitam,  quam  sermo  Dei  caro  fieret.  Hac  inquam  fiducia  Deum  patrem  invocarunt  omnes  patriarchae  et  reliqui  fideles,  quod  hypostasin2)  habebant  suae  in  filio  Dei  adoptionis.  Autoritates  scripturae,  quibus  id  penitus  confirmatur,  satis  perspicuas  esse  iudico:  utcunque  tibi  infirmae  videantur.  Paulus  testatur,  Christum  esse  filium  Davidis,  [pag.  47]  et  ex  Iudaeis  ducere  originem,  respectu  humanitatis  (Rom.  1,  3;  9,  5).  3)  Ex  adverso  colligo,  ratione  divinitatis  esse  filium  Dei.  Audio  quid  tu  contra:  sed  nihil  moveor.  Nam  sicuti  a  matre  accepit,  cuius  causa  filius  Davidis  vocatur:  ita  mihi  concedes,  a  patre  habere,  cuius  causa  sit  filius  Dei,  idque  ab  humana  natura  esse  aliud  ac  diversum.  Sed  de  tempore  quaeritur  quod  humanitatem  praecessit.  Dico  plenam  esse  scripturam  testimoniis  quae  divinam  Christo  essentiam  tribuunt,  quum  nondum  homo  esset.  Neque  desunt  etiam  permulta  quae  in  Christi  persona  diserte  humanitatem  a  divinitate  distinguant.  His  ego  non  temere  sum  contentus  ad  probandam  mihi  aeternam  illius  generationem.  Nec  video  quid  te  illis  acquiescere  prohibeat,  nisi  quod  iam  praesumptis  opinionibus  ita  es  inebriatus,  ut  nihil  cernas.4)  Christum  antequam  homo  fieret  Deum  fuisse,  ne  tu  quidem  negas.  Nunc  1)  Car  ce  que  nous  disons  avoir  este  engendre  de  Dieu  est  bien  autre  chose  que  chair  et  sang.  2)  la  substance  ou  le  fondement  substantiel.  3)  Add.  au  premier  chapitre  aux  Romains  et  au  quatriesme  (?)  4)  tu  ne  vois  goutte  en  pleine  clarte.