55:488  refert  utrovis  modo  exponas.  Gratiam  enim  Dei  procul  dubio  commendat,  qua  sibi  eos  in  peculium  cooptare  dignatus  est.  Ac  homines  non  praevenire  Deum  significat,  neque  unquam  ad  eum  accedere,  donec  eos  traxerit.  Eosdem  dicit  s  a  n  c  t  i  f  i  c  a  -  t  o  s  in  Deo  p  a  t  r  e  ,  quod  transferre  licet,  Per  Deum  patrem.  Ipsam  tamen  loquendi  formam  retinui,  ut  liberum  esset  iudicium  lectoribus.  Potest  enim  et  hic  esse  sensus,  Quod  in  se  ipsis  profani,  in  Deo  sanctitatem  habeant.  Porro  sanctificandi  modus  est,  quum  spiritu  suo  nos  regenerat.  Altera  lectio,  quam  sequutus  est  vulgaris  interpres,  paulo  durior,  ^yauTjjxevotc  hoc  est  dilectis,  in  Deo  patre.  Itaque  corruptam  esse  iudicio:  et  certe  in  paucis  codicibus  reperitur.  Addit  praeterea  c  u  s  t  o  d  i  t  o  s  e  s  s  e  in  C  h  r  i  s  t  o  .  Satanae  enim  semper  essemus  in  mortem  expositi,  adeoque  singulis  momentis  nos  centies  quasi  obviam  praedam  raperet,  nisi  tuti  essemus  Christi  praesidio:  quem  ideo  pater  custodem  nobis  dedit,  ut  nihil  eorum,  quae  recepit  in  fidem  ac  tutelam  suam,  pereat.  Triplex  ergo  Dei  beneficium  in  omnibus  piis  hic  praedicat  Iudas:  quod  eos  sua  vocatione  fecerit  evangelii  participes:  quod  spiritu  suo  regenuerit  eos  in  vitae  novitatem:  et  quod  per  Christi  manum  eos  custodierit,  ne  a  salute  exciderent.  2.  Misericordia  vobis.  Idem  fere  valet  misericordiae  nomen,  quod  gratiae  in  salutationibus  Paulinis.  Si  quis  discrimen  subtilius  habere  velit,  proprie  gratia  effectus  est  misericordiae  :  quia  non  alia  causa  Deus  nos  in  amorem  complectitur,  nisi  quia  miserias  nostras  respicit.  Dilectio1)  tam  Dei  erga  homines,  quam  hominum  inter  se  potest  intelligi.  Si  ad  Deum  referas,  sensus  erit,  ut  in  illis  augescat,  et  magis  in  dies  sanciatur  in  eorum  cordibus  divini  amoris  fiducia.  Illud  tamen  alterum  non  male  etiam  quadrat,  ut  Deus  accendat  et  confirmet  in  ipsis  caritatem  mutuam.  3.  Dilecti,  quum  omne  studium  adhiberem  ad  scribendum  vobis  de  communi  salute,  necesse  habui  scribere  vobis,  ad  vos  hortandos  ut  certando  adiuvetis  eam,  quae  semel  tradita  est  sanctis,  fidem.  4.  Sub-  *)  Caritas