35:488  la  certitude  en  est  plus  grande.  Notons  bien  donc  l'intention  de  Iob.  Ce  n'est  point  de  reietter  la  doctrine  de  laquelle  nous  sommes  instruits,  quand  la  parole  de  Dieu  nous  est  preschee:  mais  c'est  pour  signifier,  que  la  doctrine,  quand  nous  en  avons  seulement  les  aureilles  batues,  est  une  chose  morte:  iusques  a  ce  que  Dieu  se  soit  revele  tellement  que  nous  le  cognoissions  quasi  a  veue  d'oeil.  Et  comment  cela  se  fait-il?  Iournellement  quand  l'Evangile  se  presche.  Car  il  faut  que  la  Dieu  parle  a  nous  en  deux  sortes.  Il  parle  a  nous  par  le  moyen  d'un  homme,  celui  qui  est  constitue  ministre  pour  nous  enseigner:  et  puis  il  parle  a  nous  par  la  vertu  de  son  Esprit,  quand  nous  sommes  touchez  la  dedans  que  la  doctrine  nous  profite,  que  nous  avons  les  coeurs  percez.  Car  sans  cela  aussi  la  voix  s'escoule,  ce  n'est  qu'un  son  inutile.  Il  y  en  a  beaucoup  qui  iournellement  orront  parler  de  l'Evangile:  il  leur  sera  presche,  et  ils  en  seront  tant  plus  endurcis.  Et  c'est  ce  qui  est  dit  au  Prophete  Isaie  (6,  9.  10),  Va  a  ce  peuple,  et  parle  a  eux:  ils  verront  des  yeux,  et  orront  des  aureilles:  mais  ils  n'entendront  point��  Et  pourquoi?  Pource  qu'ils  ont  un  coeur  endurci,  qui  ne  peut  estre  amoli,  quoi  qu'il  en  soit.  Nous  voyons  donc,  que  si  Dieu  ne  besongne  par  sa  grace,  les  hommes  demeureront  tousiours  obstinez.  Et  ainsi  il  faut  que  Dieu  en  parlant  a  nous,  se  revele  et  qu'il  se  declare,  et  que  nous  le  voyons.  Et  comment?  Non  point  d'une  veue  corporelle:  mais  que  nous  sentions  sa  maieste  en  sorte  que  nous  soyons  instruits  a  lui  porter  reverence,  et  nous  remettre  du  tout  entre  ses  mains,  afin  qu'il  ait  toute  authorite  et  empire  par  dessus  nous.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  CINQUANTEHUICTIEME  SERMON,  QUI  EST  LE  II.  SUR  LE  XLII.  CHAPITRE.  6.  "Pourtant  i'en  ai  horreur,  et  me  repen  sur  la  poudre  et  la  cendre.  7.  Apres  que  le  Seigneur  eut  dit  ces  paroles  a  Iob,  il  dit  Eliphas,  Themanite,  Ma  fureur  s'est  enflammee  contre  toi,  et  sur  tes  deux  compagnons:  pource  que  vous  rCavez  point  parle  droitement  devant  moi  comme  mon  serviteur  Iob.  8.  Prenez  donc  sept  boeufs,  et  sept  moutons,  et  allez  a  mon  serviteur  Iob,  et  offres  sacrifice  pour  vous:  et  Iob  mon  serviteur  priera  pour  vous:  et  i'accepterai  sa  face,  afin  que  la  folie  ne  vous  soit  point  imputee:  car  vous  riavez  point  parle  droitement  envers  moi,  comme  mon  serviteur  Iob.  Nous  visme8  hier  que  c'est  que  sentir  la  presence  de  Dieu,  et  d'estre  touche  de  sa  gloire:  d'autant  que  sans  cela  il  est  impossible  que  les  hommes  se  rangent,  quelque  chose  qu'on  leur  dise.  Car  ils  feront  l'aureille  sourde:  ou  bien  n'ayans  point  assez  de  reverence,  ils  couleront  tout  ce  qu'on  leur  dira:  ainsi  que  l'experience  le  monstre,  et  par  trop.  Il