25:488  verso  coetu  Israel,  et  mulieribus,  et  parvulis,  et  peregrinis  versantibus  in  medio  ipsorum.  30.  Tunc  aedificavit.  Hoc  sibi  primum  extraordinarium  sacrificium  offerri  Deus  in  terra  Chanaan  voluerat,  quo  testata  fieret  populi  gratitudo,  et  solenni  ritu  terra  inciperet  consecrari.  Neque  enim  ante  libere  et  in  proprio  solo  id  fieri  potuit,  donec  regio  aliqua  vacua  contigisset.  Duo  antem  simul  mandaverat  Deus  (Deut.  27,  2.  sq.):  ut  in  monte  Ebal  altare  exstruerent:  deinde  ut  lapides  duos  statuerent  ac  linerent  calce,  in  quibus  legem  describerent,  ut  in  transitu  quibuslibet  eius  lectio  esset  exposita.  Utrumque  nunc  legimus  fideliter  fuisse  praestitum.  Tertium  praeceptum  erat  de  recitandis  benedictionibus  et  maledictionibus:  quod  etiam  Iosue  non  minore  diligentia  exsequutus  est.  Nunc  ut  ab  altari  incipiam,  dicitur  secundum  Dei  mandatum  fuisse  compositum  ex  lapidibus  impolitis.  Integri  enim  lapides  super  quos  ferrum  non  ascendit,  vocantur  rudes  nulloque  artificio  formati.  Hoc  de  altari  cuius  nunc  fit  mentio,  specialiter  traditur  Deuteronomii  27.  Verum  idem  in  genere  de  aliis  omnibus  ante  proditum  fuerat.  In  ratione  frustra  allegoriam  fabricant  interpretes,  manum  et  industriam  hominum  prohiberi,  quia  simul  atque  afferimus  nostra  commenta,  vitiatur  Dei  cultus.  Yere  quidem  hoc  et  scite  dicitur,  sed  extra  locum,  quia  non  aliud  fuit  Deo  propositum,  quam  vetare  perpetua  altaria.  Scimus  enim  hanc  fuisse  rite  sacrificandi  legem,  ut  unum  omnibus  esset  altare  tum  ad  fovendum  inter  eos  consensum,  tum  ut  omnibus  corruptelis  obviam  iretur,  ne  qua  obreperet  adventitia  superstitio,  denique  ut  religio  una  et  simplex  maneret:  quia  ex  altarium  varietate  proclivis  fuisset  lapsus  ad  discordiam.  Ita  distractus  fuisset  populus,  et  dissipata  sincera  pietas.  Iam  vero  locum  eligere  non  fuit  in  arbitrio  populi:  sed  Deus  id  sibi  passim  apud  Mosen  vendicat.  Ergo  exercitia  pietatis  restringit  ad  eum  locum,  ubi  posuerit  memoriam  sui  nominis.  Porro  quia  non  statim  patefacta  fuit  Dei  voluntas,  nec  locus  designatus,  ne  interea  cultus  eius  cessaret,  permissum  fuit  ubi  arca  stationem  haberet,  altare  statuere:  sed  ex  indigesta  lapidum  congerie,  vel  ex  cespitibus,  ut  esset  temporarium  duntaxat.  Notent  lectores,  optionem  datam  fuisse  populo  ut  faceret  ex  lapidibus  asperis,  ne  forma  venerationem  afferret,  vel  ex  terra  quae  sponte  deflueret.  In  summa,  hoc  ad  commendationem  perpetui  altaris  valuit,  ex  quo  montem  Sion  elegit  Deus.  Quamobrem  dicitur  in  Psalmo  (122,  1  sq.):  Laetatus  sum  quia  stabunt  pedes  nostri  in  atriis  tuis  Ierusalem.  Quae  alii  pacifica  vertunt,  ego  non  abs  re  sacrificia  prosperitatum:  quia  vel  ad  petendos  felices  successus  offerebantur,  vel  ad  gratias  agendas,  et  nomen  hebraicum  non  male