8:487  487  REFUTATIO  ERRORUM  488  ALTERA  CALVINI  RESPONSIO.  De  prima  quaestione.  Quod  Christum  ideo  filium  Dei  esse  et  nominari  dico,  quia  sermo  Dei  sit  ex  patre  ante  temporis  initium  genitus  qui  carnem  nostram  induit:  hanc  rationem  suscipis  impugnandam.  Dum  autem  testimonia  vis  refellere,  quibus  usus  fueram  ad  id  probandum,  fingis  me  ex  Ecclesiastico  locum  protulisse,  cuius  nunquam  venerat  in  mentem.  Potius  ad  octavum  caput  Proverbiorum  respexi.  Quanquam  nullius  loci  mentionem  feceram  ui  meo  responso.  Ergo  ne  frustra  te  fatiges,  mihi  satis  est,  si  concedas  Christum,  antequam  homo  fieret,  fuisse  aeternum  Dei  [pag.  45]  sermonem.  Id  negas  in  scriptis  tuis.  Nam  imaginaris  sermonem  tunc  coepisse  quum  Deus  sententiam  suam  de  creando  mundo  pronunciavit.  Hoc  vero  nimis  absurdum  est  delirium.  Quasi  vero  aut  Deus  aliquid  tunc  esse  coeperit  quod  nondum  erat:  aut  sermo  ipse  non  sit  vere  Deus.  Atqui  nunquam  sanis  mentibus  hoc  principium  excuties,  quod  ex  perpetua  scripturae  doctrina  abunde  testatum  habent,  Christum,  qui  nunc  est  Deus  in  carne  manifestatus,  semper  fuisse  Dei  sermonem  a  patre  genitum.  Quod  de  loquutionis  improprietate  obiicis,  mihi  non  obstat.  Libenter  enim  fateor,  nihil  satis  exacte  pro  rei  dignitate  linguam  humanam  posse  hic  effari.  Verum  nobis  vitio  verti  non  debet,  si  ex  ore  Domini  sapimus.  Aeternam  tamen  Christi  genituram  refutas  hoc  argumento,  quia,  si  quid  realiter  erat  ex  Deo  genitum,  inde  sequitur  duos  esse  Dei  filios:  alterum  corporeum,  alterum  incorporeum.  Quasi  vero  mihi  non  liceat  antistrephon  in  te  retorquere.*)  Sermonem  Dei  fateris  aliquando  fuisse  incorporeum,  qui  nunc  factus  est  caro.  Si  quis  adversum  te  inferat,  duos  te  facere  Dei  sermones,  nonne  eadem  erit  ratiocinatio?  Porro  clamares  tibi  fieri  iniuriam*  Noli  igitur  tibi  placere  tam  futilibus  calumniis.  Nos  enim  eundem  esse  Dei  filium  praedicamus  qui  ab  initio  incorporeus,  tandem  corpore  vestitus  fuit,  et  ita  caro  factus.  Postea,  amplificandae  calumniae  causa,  ultra  progrederis:  me  tres  facere  Dei  filios,  quia  natura  humana  sit  mihi  filius,  natura  divina  sit  filius,  et  totus  Christus  etiam  filius.  Atque  hic  triumphabundus  exsultas,  me  iugulatum  esse  proprio  gladio.  Ego  vero  respondeo  [pag.  46]  cum  propriis  commentis  te  confligere,  non  cum  mea  doctrina.  Neque  enim  alium  fuisse  Dei  filium  affirmo,  quam  qui  filius  est  Mariae.  Nam  qui  sermo  Dei  aeternus  fuit,  1)  Mais  en  parlant  ainsi  tu  mets  en  main  le  baston  a  ton  adverse  partie  pour  en  estre  batu.