7:487  487  ACTA  SYNODI  TRIDENTINAE  488  est  ex  parte  Dei,  etsi  rite  ea  suscipiantur,  sed  aliquando,  et  aliquibus:  Anathema  sit  VIII.  Si  quis  dixerit:  Per  ipsa  novae  legis  sacramenta,  ex  opere  operato  non  conferri  gratiam,  sed  solam  fidem  divinae  promissionis  ad  gratiam  consequendam  sufficere:  Anathema  sit.  IX.  Si  quis  dixerit:  In  tribus  sacramentis,  %  Baptismo  scilicet,  Confirmatione,  [pag.  251]  et  Ordine,  non  imprimi  characterem  in  anima,  hoc  est,  signum  quoddam  spirituale  et  indelebile,  unde  ea  iterari  non  possunt:  Anathema  sit.  X.  Si  quis  dixerit  Christianos  omnes  in  verbo,  et  omnibus  sacramentis  administrandis  habere  potestatem:  Anathema  sit  XI  Si  quis  dixerit:  In  ministris,  dum  sacramenta  conficiunt  et  conferunt,  non  requiri  intentionem  saltem  faciendi  quod  facit  Ecclesia:  Anathema  sit  XII.  Si  quis  dixerit:  Ministrum  in  peccato  mortali  exsistentem,  modo  omnia  essentialia,  quae  ad  sacramentum  conficiendum  aut  conferendum  pertinent,  servaverit,  non  conficere  aut  non  conferre  sacramentum:  Anathema  sit  XIII  Si  quis  dixerit:  Receptos  et  approbatos  Ecclesiae  catholicae  ritus,  in  solenni  sacramentorum  administratione  adhiberi  consuetos,  aut  contemni,  aut  sine  peccato  a  ministris  pro  libito  omitti,  aut  in  novos  alios  per  quemcunque  Ecclesiarum  Pastorem  mutari  posse:  [pag.  252]  Anathema  sit.  DE  BAPTISMO.  I.  Si  quis  dixerit:  Baptismum  Ioannis  habuisse  eandem  vim  cum  baptismo  Christi:  Anathema  sit.  IL  Si  quis  dixerit:  Aquam  veram  et  naturalem  non  esse  de  necessitate  Baptismi  :  atque  ideo  verba  illa  Domini  nostri  Iesu  Christi:  Nisi  quis  renatus  fuerit  ex  aqua  et  Spiritu  sancto,  ad  metaphoram  aliquam  detorserit:  Anathema  sit.  III.  Si  quis  dixerit:  In  Ecclesia  Romana  (quae  omnium  Ecclesiarum  mater  est,  et  magistra)  non  esse  veram  de  Baptismi  sacramento  doctrinam:  Anathema  sit  IV.  Si  quis  dixerit:  Baptismum,  qui  etiam  datur  ab  haereticis  in  nomine  Patris  et  Filii,  et  Spiritus  sancti,  cum  intentione  faciendi  quod  facit  Ecclesia,  non  esse  verum  Baptismum  :  Anathema  sit  V.  Si  quis  dixerit:  Baptismum  liberum  esse,  hoc  est,  non  necessarium  ad  salutem:  Anathema  sit  [pag.  253]  VI.  Si  quis  dixerit:  Baptizatum  non  posse,  etiamsi  velit,  gratiam  amittere  quantumcunque  peccet,  nisi  nolit  credere:  Anathema  sit  VII.  Si  quis  dixerit:  Baptizatos  per  Baptismum  ipsum,  solius  tantum  fidei  debitores  fieri,  non  autem  universae  legis  Christi  servandae:  Anathema  sit  VIII.  Si  quis  dixerit:  Baptizatos  liberos  esse  ab  omnibus  sanctae  Ecclesiae  praeceptis,  quae  vel  scripta,  vel  tradita  sunt,  ita  ut  ea  observare  non  teneantur,