5:487  CONSILIUM  PAFLI  III.  eiiii  convocandi,  cogendi,  habendi  curam  habeant,  et  eam  ad  extremum  prosequantur.  Et  quantum  ad  protestantes,  incutiatur  ipsis  hoc  concilio  maximus  terror.  Concilium  christianum  protestantes  ex  animo  appetunt,  pontificii  ut  summam  status  sui  pestem  horrent;  utris  iam  terrori  futurum  sit  indici  serio  concilium?  Et  a  quo  tunc  sibi  protestantes  metuant,  qui  cum  sola  antichristiana  pontificis  romani  tyrannide  bellum  gerunt?  Tum  autem  concilium  christianum  ille  admittet,  quum  abdicare  se  pontificatu  decreverit.  Ita  vel  hoste  composito  vel  sublata  belli  materia  securi  tunc  essent,  sed  ea  res  nondum  maturuit.  Quare  exspectemus  ab  eo  solitum  artificium  ut  varias  indictiones  promulget,  quae  in  totidem  bullas  exeant.  Qui  videntes  rem  serio  tractari,  timebunt  suis  rebus  et  sic  erunt  tractabiliores  et  magis  obedientes  maiestatibus  suis,  ut  qui  sentiant  sibi  esse  resipiscendum  et  redeundum  ad  cor,  et  forsan  venient  ipsi  aut  mittent  ad  concilium,  praesertim  si  cognoverint  maiestates  suas  nolle  amplius  pati  haereses  in  Germania,  sed  velle  ut  ipso  concilio,  hoc  est  regia  via  vivatur.  A  christiano  iudicio  non  protestantes,  sed  qui  Christum  ipsum  sibi  ac  suis  studiis  adversari  norunt,  metuere  sibi  solent.  Audeant  in  apertam  lucem  semel  prodire  pontificii  et  concilium  indici  sinant,  [fol.  27]  quale  scripturae  et  canones  praescribunt:  si  tum  protestantes  aberunt,  licebit  ut  totus  orbis  illos  dicat  causae  suae  diffidere,  lucemque  concilii  ideo  fugere,  quod  sibi  male  conscii  sint,  itaque  suo  ipsorum  praeiudicio  sese  damnabunt.  Sin  aderunt  errorum  convicti,  quod  facile  erit,  vel  in  viam  revocabuntur,  vel  ecclesiis  merito  exterminabuntur,  praesertim  si  concilium  cogatur  ex  piis  sanctisque  iudicibus,  doctis  ad  regnum  Christi,  non  aucupibus  ad  captandas  per  simoniam  et  sacrilegia  opimas  praelaturas  intentis;  ex  iis  qui  sincero  restituendae  domus  Dei  zelo  ardeant,  non  furiosa  libidine  stabiliendae  immanis  suae  potentiae  flagrent,  ut  scelerate  flagitioseque  pro  more  suo  et  opibus  ecclesiasticis  luxurientur  et  ecclesias  licentiose  opprimant;  ex  iis  denique  qui  dociles  se  et  obsequentes  dare  Christo  parati,  non  aliud  sequi  in  animo  habeant  quam  quod  ille  docuerit;  non  ex  iis  qui  clausas  ad  omnem  veritatem  aures,  animos  contra  Christum  eiusque  verbum  obstinatos  afferunt.  Nam  et  inania  sine  re  nomina,  larvaeque  ab  impietatis  sociis  impositae  nullos  episcopos  et  ecclesiae  praelatos  faciunt,  ita  nullis  quoque  locum  in  concilio  christiano  faciunt.  Sed  multos  scilicet  ex  puriore  illa  nota  reperiet  in  grege  suo  pontifex?  Quid  quod  tantam  illi  formidinem  iniicit  mala  conscientia,  ut  ne  sub  corruptissimis  quidem  iudicibus  sibique  addictis