39:487  487  PRAELECTIONES  488  tot  malorum,  quae  Babylonii  ipsis  intulerant.  Haec  enim  est  gravis  tentatio,  quum  putamus  nos  a  Deo  contemni,  et  hostes  nostros  impune  grassari  pro  sua  libidine  contra  nos.  Propheta  ergo  testatur,  Deum  minime  passurum,  ut  tot  Israelitae  perierint,  quia  tandem  rependet  Babyloniis  quod  meriti  sunt,  nempe  ut  vicissim  pereant  qui  alios  perdiderunt.  Nunc  facile  potest  colligi  quid  velit  propheta.  Quemadmodum,  inquit,  Babylon  fecit,  ut  caderent  multi  in  Israele,  ita  nunc  cadent  ipsi  Babylonii.  Nam  b  vertere  Propter,  absurdum  est.  Ipsi  ergo  Babylonii  etiam  cadent  interfecti  totius  terrae.  Per  totam  terram  intelligo  non  totum  orbem,  sicuti  alii  interpretes,  sed  Chaldaeam  duntaxat.  Passim  ergo  in  Chaldaea  peribunt  qui  fuerunt  tam  crudeles,  ut  ubique  effuderint  sanguinem  innoxium.  Etsi  autem  in  genere  illud  verum  est,  qui  effuderit  sanguinem  humanum,  daturum  esse  poenas,  tamen  peculiariter  hic  sermo  dirigitur  ad  ecclesiam.  Deus  ergo  caedes  omnes  vindicat,  quia  ferre  non  potest  ut  violetur  sua  imago  quam  insculpsit  hominibus.  Sed  quia  paternam  curam  habet  suae  ecclesiae,  ideo  speciali  modo  ultor  est  crudelitatis,  quam  inferunt  impii  fidelibus.  In  summa  intelligit  propheta,  quamvis  Deus  ad  tempus  passus  fuerit  impios  saevire  contra  ecclesiam,  fore  tamen  opportunum  vindicem,  ita  ut  passim  trucidentur  qui  ita  fuerunt  crudeles.  Caeterum,  hinc  colligimus  minime  desperandum,  ubi  Deus  tantum  licentiae  impiis  permittit,  ut  iugulent  miseros  et  innoxios,  quia  idem  contigit  olim  populo  veteri.  Erat  ecclesia  Dei,  in  qua  exercuerunt  Chaldaei  istam  carnificinam,  de  qua  loquitur  Ieremias.  Fuerunt  ergo  iugulati  filii  Dei  tanquam  pecudes.  Si  hodie  idem  nobis  contingat,  non  erit  tamen  cur  propterea  despondeamus  animos,  sed  exspectemus  tempus  vindictae,  de  quo  hic  disserit  propheta.  Tunc  enim  experientia  monstrabit,  quam  pretiosa  fuerit  Deo  piorum  omnium  vita.  Nunc  sequitur,  50.  Qui  evasistis  e  gladio,  abite,  ne  stetis:  recordamini  e  longinquo  Iehovae,  et  Ierusalem  ascendat  in  cor  vestrum.  Iterum  propheta  iubet  fideles  alacriter  fugere  e  Chaldaea:  sed  dicit,  Qui  superstites  fuerint  a  gladio.  Significat  ergo  talem  fore  stragem,  quae  etiam  multos  involvat  ex  populo  Dei  et  absumat.  Et  scimus  in  illa  turba  plerosque  fuisse  dignos  tristi  illo  interitu,  sed  nunc  propheta  sermonem  convertit  ad  eos  qui  servati  fuerant  singulari  Dei  beneficio.  Iubet  ergo  ipsos  abire,  ita  ut  nusquam  consistant,  vel  figant  pedem.  Diximus  autem  hesterna  lectione  quorsum  spectet  ista  exhortatio,  nempe  ut  certo  persuasi  sint  fideles,  liberum  sibi  fore  reditum  in  patriam,  a  qua  tamen  putabant  se  perpetuo  esse  exclusos.  Nam  desperaverant  prorsus  de  liberatione,