37:487  487  PRAELECTIONES  488  super  cunctos  Iudaeos.  Ex  contextu  postea  videbimus  hic  proponi  breviter  summam  doctrinae,  quae  Ieremiae  mandata  fuit.  Est'  quidem  haec  dimidia  pars,  ut  diximus.  Nam  voluit  etiam  Deus  consulere  electis  suis:  et  ita  eos  terruit  ut  tantum  domaret,  et  subiiceret  sibi,  non  autem  coniiceret  in  desperationem.  Interea  tamen  dimidia  pars  prophetiae  haec  fuit  :  iam  non  sperandum  esse  veniam,  quia  Iudaei  sua  obstinatione  nimis  provocaverant  iram  Dei,  et  ita  abusi  fuerant  eius  patientia,  ut  eorum  impietas  non  esset  amplius  tolerabilis.  Ergo  quod  alii  prophetae  denuntiaverant,  nunc  Ieremias  apertius  iterum  confirmat,  et  rem  quasi  digito  ostendit.  Postea  sequitur,  15.  Quoniam  ecce  ego  voco  omnes  familias  regnorum  aquUonis,  dicit  Iehovah,  et  venient:  ponent  quisque  solium  suum  in  ostio  portarum  Ierosolymae,  et  super  omnes  muros  eius  in  circuitu,  et  super  omnes  urbes  Iehudah.  Hic  versus  continet  explicationem  proximi.  Deus  enim  clarius  et  magis  specialiter  exprimit  quod  prius  attigerat,  nempe  malum  venturum  esse  ,ab  aquilone.  Dicit  se  fore  autorem  huius  mali:  sed  de  calamitate  loquitur,  Ecce  ego)  inquit,  clamo  ad  omnes  familias  regnorum  aquilonis.  Non  adeo  efficax  fuisset  vaticinium,  nisi  diserte  fuisset  addita  haec  denuntiatio,  nempe  Dei  auspiciis  venturos  esse  Chaldaeos.  Solent  enim  homines  semper  transferre  in  fortunam  quidquid  accidit,  et  postea  videbimus  in  Lamentationibus  ita  fuisse  stupidos  Iudaeos,  ut  casus  fortuitos  obiicerent  in  cladibus  suis,  et  in  templi  et  ipsius  urbis  excidio,  et  interitu  regni.  Ideo  severe  cum  illis  Deus  expostulat,  quod  ita  caecutiant  in  re  clara,  neque  iudicia  sua  agnoscant.  Propheta  igitur  postquam  testatus  est  venturum  esse  malum  a  septentrione,  iam  addit  hoc  malum  minime  fortuitum  fore,  sed  eius  belli  quod  Chaldaei  inferent  Deum  fore  summum  ducem,  qui  colliget  undique  milites,  et  conficiet  sibi  exercitum  ad  perdendos  Iudaeos.  Clamandi  verbo  utitur  propheta,  Ecce  clamo,  inquit,  ad  omnes  cognationes  vel  familias.  Variis  loquendi  formis  utitur  Deus,  quum  docere  vult  ita  sub  manu  sua  et  arbitrio  esse  cunctas  gentes,  ut  moveat  bella  quoties  ita  visum  est.  Dicit:  Ecce  sibilabo  ad  Aegyptios,  et  jcomparat  interdum  ipsos  apibus.  Deinde  alibi,  Ecce  clangam  buccina  et  convenient  Assyrii.  Sed  huc  spectant  omnes  loquutiones:  dum  tumultuantur  homines,  et  totum  orbem  perturbant,  Deum  tamen  omnia  dirigere  pro  summo  imperio,  nec  quidquam  geri  nisi  eius  auspiciis  et  ductu.  Videmus  ergo  iam  non  historice  prophetam  loqui,  neque  etiam  simpliciter  vaticinari  quid  futurum  sit,  sed  simul  adiungere  doctrinam.  Hoc  fuisset  nudum  et  simplex  vaticinium,  malum