32:487  487  PREMIER  SERMON  488  tout  son  coeur:  c'est  a.  dire,  en  integrite,  et  non  pas  d'un  courage  double.  Non  pas  que  nous  soyons  divisez,  pour  dire,  Bien,  ie  suis  content  de  servir  a  Dieu,  moyennant  qu'il  ne  me  demande  point  du  tout  a  soy:  mais  que  ie  puisse  apres  servir  a.  mes  cupiditez,  que  ie  puisse  me  lascher  la  bride,  pour  suyvre  le  monde.  Non  non  (dit-il)  ll  faut  qu'il  y  ait  une  vraye  rondeur,  que  l'homme  ne  soit  point  divise  en  telle  facon.  Il  est  vray  que  iamais  nous  ne  cerclierons  Dieu  d'une  telle  perfection,  qu'il  n'y  ait  beaucoup  a  redire:  mais  aussi  l'Escriture  saincte  n'entend  pas  ce  mot  a  la  rigueur  extreme,  De  tout  leur  coeur,  mais  seulement  elle  l'oppose  a  l'hypocrisie  qui  est  en  beaucoup  de  gens  et  qui  seroit  en  nous  tous,  n'estoit  que  Dieu  y  remediast.  C'est  a  dire,  que  nous  voudrions  bien  servir  a  Dieu  a  demy,  et  qu'il  nous  laissast  faire  au  reste,  ainsi  que  bon  nous  sembleroit.  Exemple.  Il  y  en  aura  beaucoup,  qui  ne  refuseront  pas  a.  Dieu  de  venir  au  sermon  le  dimanche,  et  de  prier  en  commun,  et  de  garder  quelque  espece  de  religion:  cependant  si  voudront-iis  que  Dieu  leur  donne  liberte  de  faire  ce  que  bon  leur  semblera  le  reste  de  la  sepmaine:  ou  bien  s'ils  vienent  au  sermon  plus  que  le  dimanche,  il  leur  semble  qu'ils  soyent  acquitez  d'avoir  este  yci  une  heure.  Mais  encores  qu'ils  s'eslargissent  d'avantage,  ils  diront  qu'ils  s'abstiendront  de  quelque  vice.  L'un  ne  sera  point  paillard,  l'autre  ne  sera  point  yvrongne,  l'autre  ne  sera  point  blasphemateur:  mais  cependant  chacun  aura  son  vice  particulier,  et  leur  semblera  que  Dieu  les  doyve  bien  supporter,  quand  pour  l'honneur  de  luy,  et  comme  pour  luy  gratifier,  ils  s'abstiendront  de  quelque  vice,  et  luy  obeyront  en  quelque  endroit.  Or  l'Escriture  monstre  que  tout  cela  n'est  rien,  qu'il  faut  que  l'homme  s'examine  en  tout  et  par  tout  :  et  qu'en  voyant  quelque  chose  qui  soit  contraire  a  la  volonte  de  Dieu,  qu'il  s'y  desplaise,  qu'il  y  renonce,  qu'il  ne  demande  sinon  d'en  estre  purge.  Voyla  quelle  est  la  perfection,  de  laquelle  parle  yci  David.  Nous  voyons  maintenant  quel  est  le  contenu  du  second  verset,  c'est  ascavoir  que  il  ne  faut  pas  que  nous  estudions  en  la  Loy  de  Dieu,  seulement  pour  scavoir  ce  qui  est  defendu  ou  commande,  mais  pour  estre  certains  quel  est  Dieu  envers  nous,  et  quelle  affection  il  nous  porte:  a  ce  que  nous  puissions  mettre  en  luy  la  fiance  de  nostre  salut,  et  que  nous  le  puissions  invoquer;  Et  cependant  il  nous  y  est  aussi  monstre,  que  quand  nous  aurons  gouste  la  misericorde  de  Dieu,  qu'il  nous  aura  certifie  de  son  amour  et  de  sa  grace,  que  cela  nous  doit  inciter  a,  le  cercher,  et  adherer  du  tout  a  luy,  et  nous  addonner  a  son  service.  Voire,  non  point  d'une  facon  exterieure  et  par  hypocrisie  :  mais  de  coeur  et  d'affection  entiere,  et  non  point  a  demy:  tellement  qu'il  y  ait  une  rondeur  et  integrite,  comme  desia  i'en  ay  touche.