9:486  Neque  etiam  controversia  est,  quodnam  corpus  designet  Christus:  quia  antehac  satis  superque  professus  sum  me  non  fingere  Christum  bicorporem:  ideoque  corpus  quod  semel  crucifixum  est  in  coena  dari.  Imo  ex  commentariis  meis  liquet  quomodo  locum  ilium  exposuerim:  Panis  quem  ego  dabo,  caro  mea  est,  quam  ego  dabo  pro  mundi  vita  (Ioann.  6,  51).  Nempe  duas  esse  species  donationis:  quia  corpus  idem  quod  semel  exposuit  Christus  ia  [pag.  42]  salutem  nostram,  quotidie  nobis  in  cibum  spiritualem  porrigat.  Quare  quod  de  symbolico  corpore  garrit,  impuri  scurrae  maledictum  est.  Nec  ferendum  est,  eum  cum  larvis  et  umbris,  quas  imaginatur,  pugnando,  tenere  lectorum  oculos.  Eiusdem  est  futilitatis,  quum  dicit  me  solummodo  de  fructu  et  efficacia  clamitare.  Substantialis  enim  communicatio  ubique  a  me  asseritur:  modo  facessat  localis  praesentia,  et  de  carnis  immensitate  figmentum.  Hic  autem  sinister  interpres  non  aliter  placatur,  quam  si  obtinuerit  haec  Pauli  verba:  Calix  est  novum  testamentum  in  sanguine,  tantundem  valere  ac  si  dixisset,  in  calice  sanguinem  contineri.  Quod  si  detur,  parum  honeste  retractet  necesse  est  quod  tam  asseveranter  dixit  de  proprio  et  naturali  verborum  sensu.  Cui  enim  persuadeat  nullam  figuram  subesse,  ubi  calix  testamentum  in  sanguine  vocatur,  quia  sanguinem  in  se  continet?  Ego  autem  non  dissimulo  me  hoc  insipidum  commentum  reiicere:  neque  tamen  inde  sequitur  vino  nos  esse  redemptos,  et  falsam  esse  Christi  vocem:  quia  ut  fide  bibatur  Christi  sanguis,  non  opus  est  ipsum  defluere  in  terram,  sed  nos  in  coelum  conscendere,  quin  potius  in  coelo  manere  oportet  Christi  sanguinem,  ut  eum  inter  se  participent  fideles.  Ut  nobis  excutiat  Heshusius  omnes  sacramentales  loquendi  modos,  negat  discendum  esse  cx  institutione  paschatis,  sed  ex  verbis  Christi,  quid  nobis  in  coena  detur.  Et  tamen  pro  sua  vertigine  mox  alio  transvolat  2)  etiam  in  his  verbis  propriam  esse  phrasin,  Circumcisio  est  foedus.  Caeterum  si  pertinaciter  neget  valere  in  coena  perpetuum  scripturae  usum,  ut  modo  sacramentali  verba  [pag.  43]  sumantur,  quid  minus  tolerabile?  Christus  fuit  petra:  nam  spiritualis  fuit  cibus.  Columba  fuit  spiritus  sanctus.  In  baptismo  aqua  tam  spiritus  est  quam  Christi  sanguis  (alioqui  non  esset  animae  lavacrum).  Christus  ipse  est  nostrum  pascha.  Quum  de  his  omnibus  probe  conveniat,  nec  tergiversari  audeat  Heshusius,  quin  similes  in  his  sacramentis  sint  loquendi  formae,  cur  tam  duriter,  simul  atque  ad  coenam  ventum  est,  refragatur?  At  clara  sunt  Christi  verba.  Quae  maior  in  aliis  obscuritas?  In  summa,  palam  effecisse  existimo  quam  inanes  1)  en  termes  de  boucherie.  2)  il  prend  incontinent  son  avertin  pour  courir  autrepart.  31*