8:486  cumcisione  facta  est,  ut  ipse  citas.  Sed  an  in  parvulis  nostris  illa  compleatur?  annon  in  illis  quos  Christus  circumcidit  circumcisione  cordis,  circumcisione  spiritus?  Videris  de  semine  Abrahae  secundum  carnem,  et  de  filiis  carnis,  carnaliter  et  iudaice  sentire,  citans  id  quod  Petrus  ait:  Vobis  facta  est  promissio,  et  filiis  vestris,  quoscunque  vocaverit  Dominus.  Vide  quod  ait:  Quoscunque  vocaverit  Dominus.  Vide  quod  illi  sunt  filit,  et  illi  soli  censentur  semen  Abrahae,  qui  ingrediuntur  via  fidei,  ut  clare  docet  Paulus.  Sinistre  ergo  tu  ad  tuos  parvulos  promissionem  detorques.  Tecum  pugnas,  faciens  parvulos  carnales  participes  promissionis  spiritualis.  Figmentum  papisticum  est,  quod  in  alterius  fide  alter  baptizetur.  Bes  de  solo  titulo  est  quod  ais,  baptismo  signari  parvulis  adoptionem,  et  censeri  filios  Dei.  Imo  filii  sunt  irae,  donec  crediderint.  An  iustificatos  putas  parvulos  ita  obsignatos?  Paulus  enim  omnes  qui  per  baptismum  sunt  cum  Christo  mortui,  ait  esse  iustificatos,  idque  ex  propria  fide.  Si  [pag.  44]  quam  in  parvulis  vis  esse  obsignationem,  manuum  impositione  et  oratione  cum  Christo  utere.  Ora  pro  eis  ut  interim  ab  occursu  malo  serventur.  Ita  se  habere  ais  baptismum  et  coenam,  sicut  se  habebant  olim  circumcisio  et  pesah.  Quare  ergo  parvulum  baptizatum  non  admittis  ad  coenam,  sicut  olim  circumcisus  admittebatur?  In  coena  concedis  esse  veram  promissionem  hanc  :  Qui  manducaverit  panem  hunc,  et  calicem  biberit,  particeps  erit  corporis  et  sanguinis  Christi.  In  baptismo  quoque  concedere  debes  esse  veram  promissionem  hanc:  Qui  natus  desuper  fuerit  ex  aqua  et  spiritu,  intrabit  in  regnum  coelorum.  Quando  autem  haec  fiunt,  ut  quis  intret,  manducet,1)  et  Christi  particeps  fiat?  Annon  hic  aequiparantur  symbola  haec?  JRogo  te  per  Deum,  postquam  pollicitus  es  te  paratum  reliqua  adiicere,  si  fueris  admonitus,  doce  me  primo  quae  est  vera  fides,  et  qualiter  illa  a  spiritu  regenerationis  vivificetur.  Secundo,  an  sine  promissione  possit  quis  iustificari.  Tertio,  qualis  sit  internus  homo,  non  ex  sanguinibus  genitus,  sed  ex  Deo.  Quarto,  quis  est  homo  ille  qui  a  Christo  alitur  in  coena,  an  vere,  an  imaginarie.  Quinto,  quae  sit  gratia  adventus  Christi.  Annon  eousque  regnavit  mors?  annon  patres  omnes  fuerunt  antea  in  inferno  ?  Demum  te  precor,  ne  graveris  iterum  legere  quartum  librum  de  baptismo.  2)  Nam  videris  eum  nondum  legisse.  Deus  misereatur  nostri.  Amen.  1)  manducet,  om.  in  versione.  2)  Alludit  ad  opusculum  suum  quod  inscribitur:  De  regeneratione  superna  et  de  regno  Antichristi,  cuius  liber  quartus  agit  de  ordine  mysteriorum  regenerationis.  Exstat  in  edit  princ,  et  Murrii  pag.  355.576.  31*