5:486  [fol.  25]  Ut  falsissime  haec  in  protestantes  confinguntur,  ita  nemini  manifesta,  sed  multis  per  calumnias  persuasa  esse  possunt.  Restat  nunc  tractandum  qua  via  et  ratione  providendum  sit  periculo  turcico  salvis  rebus  religionis.  Periculo  turcico  provideretur  ,  si  ab  utrisque,  catholicis  scilicet  et  protestantibus,  auxilium  maiestatibus  suis  tribueretur,  sed  dubitatur,  non  posse  id  impetrari,  nisi  prius  de  religione  inter  eos  convenerit.  Et  quid  facerent  status  imperii,  dum  per  romanam  Aten  et  furias  ab  ea  subornatas  civilis  belli  faces  perpetuo  iniiciantur?  Igitur  quum  publica  res  religionis  universali  concilio,  non  autem  in  diaetis  particularibus  tractanda  sit,  quumque  catholici  semper  optarint  concilium,  ut  patet  per  ratisponensem  recessum  et  per  capitula  ligae  catholicae  .  .  .  .  Ergo  particularibus  regnis  nullam  de  Christi  religione  apud  se  restituenda  curam  suscipere  fas  est.  Et  pereundum  omnibus  est,  Christi  vocatione  et  salutari  visitatione  usque  reiecta,  dum  pontificii  quod  ferre  non  possunt  generale  concilium,  tum  variis  et  subinde  novis  inter  monarchas  dissidiis  accensis,  tum  excitatis  bellicis  tumultibus,  tum  innumeris  aliis,  quibus  pollent  artibus,  extrahunt  et  eludunt!  Quid  vero  magis  antichristianum  dici  possit  quam  regna  Christo  consociata  non  debere  tractare  de  religione  Christi,  non  consultare,  ut  non  diruptis  perniciosis  Antichristi  vinculis  iugo  sese  rursus  Christi  submittant  commodo  et  salutari?  Beproponit  maiestaiibus  suis  reverendissimus  legatus  ut  velint  hoc  concilium  oecumenicum  statim  prosequi  et  celebrari.  Hoc  enim  modo  satisfactis  catholicis  non  poterunt  auxilia  denegare  et  res  religionis  remittantur  concilio  ut  decet.  [fol.  26]  Quasi  vero  et  Caesar  et  rex  non  semper  toto  pectore  prosequi  christianum  concilium  optaverint  atque  in  id  studium  fideliter  incubuerint:  quasi  nesciatur,  per  pontificem  solum  et  eius  creaturas  hactenus  factum  esse  quo  minus  pii  principes  voti  sui  hac  in  re  compotes  fieri  potuerint.  Sed  eo  nequiore  et  desperatione  et  impudentia  est  impurus  hic  nepos,  quod  apud  eos  sic  loquitur,  qui  rem  totam  optime  omnium  noverunt.  Haec  igitur  una  ratio  est  convocandi  concilii,  inducant  pontifex  et  eius  creaturae  in  animum,  ut  quam  impie  scelerateque  exercent  tyrannidem,  et  totum  hoc  abominationis  regnum,  cum  omnibus  flagitiis  Antichristi  tandem  abiiciendum  putent.  Ita  fiet  ut  a  concilio  christiano  eversionem  status  sui  nihil  metuant.  Tum  in  maiestate  imperatoris  et  regis  mora  erit  nulla  quin  con-  31*