35:486  declarer  ce  qui  nous  est  bon  de  cognoistre.  Vrai  est  qu'encores  en  cest  endroit  il  nous  faut  avoir  une  bride  pour  nous  retenir:  car  nous  pourrions  interroguer  Dieu  plus  qu'il  ne  sera  de  besoin:  ainsi  que  beaucoup  veulent  que  tout  passe  par  leur  cerveau.  Ils  viendront  bien  a  Dieu,  ils  l'interrogueront.  Mais  quoi?  C'est  avec  une  curiosite  exorbitante,  tellement  qu'il  n'y  a  iamais  fin  en  leur  cas.  Or  quand  nous  interroguons  Dieu,  nous  devons  tousiours  avoir  ceste  exception,  Seigneur,  qu��  tu  nous  declares  ce  que  tu  cognois  nous  estre  expedient  pour  nostre  salut:  que  ce  que  nous  aurons  cognu  nous  edifie  et  en  la  fiance  de  ta  bonte,  et  en  la  crainte  de  ton  nom.  Et  puis  tu  cognois  nostre  petitesse  Seigneur:  et  ainsi  tu  nous  declareras  ta  volonte  selon  nostre  portee.  Car  quand  nous  mangerons  du  miel,  il  est  vrai  qu'il  nous  sera  doux  au  goust:  cependant  nous  voyons  qu'un  homme  en  sera  enfle,  et  ceste  douceur  sera  pour  le  faire  crever.  Ainsi  en  est  il  donc,  que  si  nous  cerchons  trop  haute  science,  cela  en  la  fin  nous  sera  converti  en  amertume.  Nous  serons  abusez  du  commencement,  pource  que  la  chose  nous  semblera  belle,  et  telle  que  nous  pourrons  parvenir  a  la  cognoissance.  Voire,  mais  regardons  ce  qui  est  advenu  a  nostre  pere  Adam.  Il  a  voulu  discerner  entre  le  bien  et  le  mal  plus  que  Dieu  ne  lui  avoit  donne:  la  dessus  il  se  precipite  en  un  abysme  auquel  nous  sommes  encores  auiourd'hui.  Puis  qu'ainsi  est,  que  nous  n'appetions  point  une  gloire  excessive:  car  en  la  fin  elle  ne  nous  sera  point  gloire,  comme  il  est  dit  par  Salomon  (Proverb.  25,  27).  Car  comme  le  miel  perd  sa  douceur,  et  mesmes  est  converti  en  amertume  quand  on  en  mangera  par  trop:  ainsi  en  est  il  si  nous  voulons  nous  enquerir  de  la  volonte  de  Dieu  et  de  ses  oeuvres,  plus  qu'il  ne  permet.  Pourtant  que  nous  n'appetions  point  d'en  savoir  sinon  selon  nostre  portee,  si  nous  n'en  voulons  estre  accablez.  Or  notamment  il  est  dit,  Escoute,  et  ie  parlerai:  ie  finterroguerai  afin  d'estre  enseigne.  Si  nous  venons  a  Dieu  pour  estre  enseignez,  il  nous  faut  rendre  dociles  a  lui.  Et  la  premiere  docilite  quelle  est  elle?  C'est  qu'il  soit  maistre,  et  qu'il  soit  obei  pleinement  en  ce  qu'il  voudra  nous  enseigner.  Car  quand  un  enfant  viendra  a  l'escole,  et  qu'il  voudra  choisir  les  livres  a  son  appetit,  pour  dire,  Ie  veux  savoir  une  telle  science,  ie  veux  estre  enseigne  en  ceci  et  en  cela,  devant  qu'il  soit  a  PA  B  C,  s'il  veut  estre  grand  docteur  devant  qu'il  soit  venu  au  lieu  et  a  l'endroit  ou  il  doit  estre  enseigne:  ie  vous  prie,  est-ce  une  modestie  d'escolier,  que  cela?  Or  si  un  escolier  quand  il  prend  un  homme  pour  l'instruire,  se  doit  du  tout  assuiettir  a  lui:  que  devons-nous  a  Dieu?  Quelle  comparaison  y  a  il?  Ainsi  donc  notons  bien,  que  si  sans  feintise  nous  31*